[retour à un affichage normal]

Mazarinade n° C_6_23

Image de la page

Anonyme [1649], LE MIROIR A DEVX-VISAGES OPPOSEZ, L’VN LOVANT LE MINISTERE du fidele Ministre, l’autre condamnant la conduite du meschant & infidele vsurpateur, & ennemy du Prince & de son Estat. , françaisRéférence RIM : M0_2477. Cote locale : C_6_23.

pour charmer les cœurs ; au reste industrieux &
vigilant, & doüé des autres qualités requises pour voler
vn sceptre & rauir vn Estat. Il creut que la charge
de Colonel des gardes pouuoit seruir à ce superbe dessein :
C’est pourquoy il fit tout ce qu’il peut pour en
augmenter la puissance : à cet effect il rallia comme en
vn corps d’armée toutes les Compagnies esparses c’à &
là par la ville, & les logea dans l’enceinte d’vn mesme
Camp, tant afin qu’aux premieres occasions elles peussent
tout à la fois receuoir ses commandemens, qu’aussi
afin qu’estant ensemble elles s’entrẽflammassent le courage,
& se monstrassent plus formidables par le nombre
pour s’insinuer dans l’esprit des gens de guerre : il
leur dõnoit des Centenieres & des Turbans de sa main,
auançoit les siens aux premieres charges de l’Empire, &
leur faisoit donner le gouuernement des Prouinces.
Tybere prit vne telle cõfiance en luy qu’il luy confia
toute sa fortune, & alors Seian se voyant assez puissant
pour ruiner ceux qui mettoient quelque sorte d’obstacle
à la grandeur qu’il s’estoit proiettée, attaqua les enfans
de Germanicus, accusa l’Aisné d’auoir attenté à
l’Estat & d’auoir coniuré contre le Prince.
 
Dans Rome il prenoit le soin de toutes les affaires,
tant de la Ville que de l’Empire : Les gardes du
Prince estoient à la deuotion des Senateurs, les vns
luy deuoient leur auancement, il entretenoit les autres
d’esperance, il retenoit les autres par crainte, tant
ceux que Tybere employoit estoient à luy, & luy seruoient
d’espions aupres de luy, iusques à luy communiquer
toutes ses lettres. C’est icy le deuxiesme visage
de nostre Miroir, qui fait connoistre la conduicte
du Ministere du Cardinal Mazarin par celle de Seian :
Premierement apres le deceds du deffunct Roy Louys
XIII. d’heureuse memoire, s’il y eust homme qui sceut
abuser de la bonté de la Reyne, ceste Princesse non
point instruicte aux ruses Italiennes, ny aux fourbes