[retour à un affichage normal]

Mazarinade n° C_6_20

Image de la page

Anonyme [1649], LE MINISTRE D’ESTAT RESTABLY ET IVSTIFIÉ. , françaisRéférence RIM : M0_2471. Cote locale : C_6_20.

ceux qui ont eu, & qui auront cette opinion, se détrompent,
& qu’ils sçachent que parmy tant de Princes du
Sang & de grands Seigneurs, dont la Cour est composée,
il y a eu des mécontens, & qui ayans imputé les premieres
Barricades des Parisiens à vn ouurage de desobeïssance,
l’ont fait passer pour rebellion dans l’esprit de
leurs Majestez, & comme telle leur ont fait trouuer
juste d’en chastier les coulpables, & les autheurs, par
la guerre qu’on leur a faite. Ainsi ne peut on ny ne
doit-on pas accuser seul le Cardinal Mazarin de cette
entreprise ; puis que nous auons éprouué, à nostre dommage,
que d’autres personnes encore beaucoup plus
considerables que la sienne, la fauorisoient trop puissammẽt,
pour n’en estre pas crû les principaux autheurs.
Il ne faut pas douter que son Eminence estant l’vn des
principaux membres de ce grand & puissant corps, n’y
ait contribué du sien tout ce qui luy a esté possible : que
pouuoit-il moins faire, que de fauoriser le party qu’il
voyoit armé pour se vanger, & pour le maintenir ? Tant
y a que s’il a contribué au mal, il faut confesser qu’il a
aussi contribué au bien, & que si l’on l’a veu n’agueres
fort zelé pour la guerre, que depuis on la veu fort affectionné
pour la paix.
 
En fin, comme cette belle Astrée, par les bontez de
nos Majestez sacrées, nous a mis en tranquillité, de
mesme cette adorable Deesse a semblablement remis &
r’estably en ses honneurs & en ses dignitez accoustumées,
le Cardinal Mazarin, dont deux Arrests notables
l’auoient dépoüillé. Tellement qu’aujourd’huy les veritables
François, ont autant de sujet de faire estime de
luy, qu’autrefois, veu qu’il est le mesme homme, le mesme
Ministre d’Estat, & le mesme amy du Parlement
qu’au passé, mais beaucoup plus affectionné pour le
bien & pour le soulagement des peuples qu’il n’a iamais
esté, & c’est dont il nous en veut donner des preuues si
certaines, qu’il n’y aura plus moyen d’en douter.