[retour à un affichage normal]

Mazarinade n° B_18_5

Image de la page

Anonyme [1652], LE MERCVRE DE LA COVR, OV HISTOIRE COMIQVE DE CE TEMPS. Contenant tout ce qui se passe, tant à la Cour qu’à Paris. CINQVIESME PARTIE. Turbatus est à furore oculus meus, inueteraui inter omnes inimicos meos. Psalm. 6. , français, latinRéférence RIM : M0_2452. Cote locale : B_18_5.

au Roy de la part de son Maistre, car son Eminence
ayant tiré ses chausses, il creut d’abord parler
à Sa Majesté, mais on luy fit venir le Prince
Thomas, auquel il demanda si c’estoit à luy que
le Cardinal Mazarin auoit resigné son Benefice
de Ministre, il luy respondit en colere, Catzo
coione, voi non sauete che io son il principe del
Consiglio del Ré.
 
Le Deputé. Monsieur, ie vous demande pardon,
voila les premieres nouuelles que i’en ay
euës, car ie vous croyois plustost du Conseil d’Espagne,
que de celuy de France, & puis on nous
faisoit accroire que le Roy n’auoit plus d’Estrangers
dans son Conseil, mais à ce que ie voy nous
voila tombez de fievre en chaud mal : neantmoins
Monsieur, ie vous prie de la part de S. A. R.
mon Maistre, de sçauoir la volonté du Roy, & si
Sa Majesté veut laisser respandre le sang de ses
bons seruiteurs & sujets, ou s’il luy plaist plustost
donner vne bonne paix.
Le Prince Th. Ie m’en vais sçauoir cela de la
Reine, car le Roy s’en remet à la Reine, & la
Reine à nous. Il entra dans le cabinet de la Reine,
où ayant conferé enuiron vn quart d’heure,
il sortit & luy parla ainsi, la Reine a enuoyé querir
Monsieur le Garde des Seaux & Messieurs les
Milords, ie croy qu’ils viendront incontinent, &
puis vous sçaurez l’intention de leurs Majestez ; il