[retour à un affichage normal]

Mazarinade n° B_5_50

Image de la page

Anonyme [1652], LE MANIFESTE DE MONSEIGNEVR LE DVC D’ORLEANS, AVEC LES CONSPIRATIONS DV Cardinal Mazarin, découuertes par son Altesse Royale, enuoyées aux bons François. ET LA PRISE DE QVATRE cent Casaques. , françaisRéférence RIM : M0_2366. Cote locale : B_5_50.

bon ordre pour rabattre leur orgueil, & les chastieray
de leur audace & de leur insolence. C’est la coustume
des Fauoris d’vsurper tousiours le droict des
Princes, & ne croient iamais leur fortune assez haulte
ou bien asseurée, s’ils ne l’establissent sur leur ruine.
Pour remedier donc aux maux que leur tyrannie a
déja fait au Prince de Condé, & pour procurer le calme
dans l’Estat, lequel est si troublé par la faction
d’vn mauuais Ministre, ie donneray tous mes soins
pour la dissiper. Ie ne vois point de meilleur moien
pour reünir toute la Maison Royalle, & pour dissiper
tous les partis, que de rompre les mauuais desseins
des Ennemis de ce Prince, qui ne trauaillent à le
descrier auprés du Roy, que pour abuser de son authorité
auec plus de liberté & d’insolence. Outre
l’iniustice manifeste qu’on fait à ce Prince, de prendre
sa retraite pour vne rebellion, & de le poursuiure
& l’attaquer lors qu’il s’esloigne pour éviter
leur persecutions & leurs attentats manifeste, l’estroite
vnion de sa Maison auec la mienne par l’accord
du mariage de nos enfans, est vn nouueau
motif qui me doit porter à le secourir, puisque
mes interests se trouuent engagés auec ceux de
ce Prince. Ie ne doute point que tous les bons
François ne suiuent ces mesmes sentimens, apres
l’exemple du Duc de Beaufort, qui agit si puissamment
& auec tant de bons succés, pour empescher
le retour du Cardinal Mazarin, & apres que tous
les Parlemens de France ont declaré par leurs nouueaux