Mazarinade n° B_16_55
Image de la page
Anonyme [1652], LE FRANÇOIS DES-ABVSÉ, MONSTRANT LES MOYENS infaillibles pour establir & affermir la veritable paix dans l’Estat. , françaisRéférence RIM : M0_1410. Cote locale : B_16_55.
se termine & s’applique entierement à la procurer, & ils
considerent les hommes non pas entant qu’ils composent
l’Eglise de IESVS-CHRIST, qui est vne Compagnie spirituelle
mais entant qu’ils font corps politique & ciuil, lequel ne doit
estre animé, ny auoir pour ainsi dire, d’appetit irascible, que
contre ce qui luy peut nuire ; à sçauoir, contre ceux qui par
leurs vices & corruptions troublent sa tranquilité ou son ordre,
& qui pechent contre ses Loix, soit au preiudice de
quelque particulier, soit au desauantage du public : Car il y
a deux puissances dans l’Estat, à sçauoir, celle de l’Eglise, &
celle du Prince, elles sont toutes deux independantes, & ce
n’est ny du soin de l’Eglise de pouruoir à ce qui peche contre
les maximes de l’Estat politique, ny du fait du Roy de corriger
ce qui est discordant à l’Eglise, non plus que de iuger des
poincts de la Foy, autrement il tomberoit dans des grands
inconueniens, puis que s’il contraignoit par peines & supplices
ses Sujets à suiure tous vne mesme Religion, il seroit
simple executeur de ce dont il ne pourroit iuger, Veu que
ny luy, ny ses Officiers ne peuuent connoistre d’heresie : Et
qui plus est, puniroit des personnes non condemnées, veu
qu’elles ne pourroient estre iugées que par authorité Ecclesiastique :
Or l’Eglise Gallicane ne procede contre qui que
ce soit par aucunes condemnations de peines temporelles,
& n’agit que par exhortations & censures, sans aucunement
exercer la puissance du glaiue.
Que si on replique que c’est à l’Egllse à luy indiquer & declarer
les heretiques, & à luy à les punir, cela n’oteroit point
l’inconuenient ja marqué, ains ce seroit tousiours le faire
simple executeur des volontez d’autruy, & qui plus est,
mettre les biens, l’honneur & la vie de ses Sujets en la main
des Ecclesiastiques, qui pour perdre quelqu’vn n’auroient
qu’a le declarer heretique, & ainsi ces personnes sacrées perdroient
leur candeur & pureté, portans la main au sang : Car
ce seroit eux proprement qui condamneroient & tueroient
par le moyen du Roy & de ses Officiers, puis que selon le
iugement de Dieu Dauid est reputé auoir tué Vrie, quoy
qu’il fust mort en guerre, & de la main des ennemis, pource
Image de la page