[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

de ceux qui doiuent imiter Iesus-Christ beaucoup
mieux que le reste des hommes ? Le disciple
est-il par dessus le Maistre, & le seruiteur par
dessus son Seigneur ? Ne vous est-ce pas trop
d’honneur d’estre traitez comme celuy qui vous
a creez, & à qui l’on doit toutes choses ? Si les
peuples l’ont appellé Belzebub, luy qui est l’origine
& la source de toutes les Sainctetez ; quel
nom ne donneront-ils pas à des abominables tyrans,
& à des prodigieuses sangsuës publiques ?
Qui me reniera deuant les hommes, ie le renieray
deuant mon Pere qui est és Cieux, dit cét
adorable Sauueur de nos ames. Et ces signes
suiuront ceux qui auront creu en mon nom ils
chasseront les Diables hors les corps des possedez,
& s’ils mettent les mains sur les malades ils
seront gueris à l’heure mesme. Apres cela tastez-vous
le poulx ; & voyez si vous faites-bien vostre
deuoir, en exerçant ce que vous estes obligé
d’exercer par la charge que l’on vous a donnée ?
A l’œuure on connoist l’ouurier ; & voyez encore
vn coup apres cela, si vous remplissez bien la
place de ceux qui doiuent aller prescher l’Euangile
par tout le monde ? Voyez si vous estes au
nombre de ceux à qui il faut cent Benefices, &
cinq ou six cens mille liures de rente, pour les
employer en chiens, en cheuaux, en femmes, &
en bonne chere ?
 
Ne sçauez vous pas bien que vous estes obligez
bien plus que le reste des hommes, en qualité