[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

curantur, dit le Prince des Philosophes en son
Traitté de la Medecine Scholastique. Et certes
si les Israëlites ne se fussent pas fait iustice eux-mesmes,
& qu’ils l’eussent attenduë de Roboam
de son conseil, ou finalement de ses Iuges ; ces
peuples n’auroient ils pas esté continuellement
dans vne estrange tyrannie ? Si les Romains ne
se fussent pas défaits de Elius Sejanus, auroient
ils iamais peu s’affranchir de l’esclauage où ce
monstre les auoit reduits, pendant qu’il ne songeoit
qu’à s’éleuer sur le debris de l’Empire ? Et
la France auroit-elle iamais esté remise dans sa
premiere liberté, si elle n’eust pas pris le soin de
se faire iustice soy mesme contre le Marquis
d’Ancre ? Vn tres-sçauant Politique de nostre
temps, dans son traité De iure Magistratus in subditos,
chap. 9. ne conclut-il pas, apres l’auoir
parfaitement bien prouué, que les sujets ne
sçauroient faire aucune iniure au Roy, & qu’ils
ne sçauroient estre accusez d’aucune espece de
rebellion durant qu’ils ne font que s’opposer
hautement aux choses qui vont à la ruine du
Prince & du peuple. Dieu veut qu’ils facent ce
qui leur semble bon & ce qui leur semble raisonnable
pour leur salut, & s’ils ne le font pas,
il veut qu’ils demeurent enseuelis sous la prodigieuse
tyrannie qui les accable.
 
Exod 23.
Iob 21
Prou 15.
Sales eu sa
Vie deuote.
3 Roys 12.
Senec.
Tac.
T. Liue.
Iuuen.
De Serres.
Mercure
François.
Ps. 80.
La liberté de se faire iustice soy mesmes est