[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

Voyez apres cela de grace, s’il y a plus de iustice
à maintenir ce qui est équitablement appuyé
des loix diuines, des loix humaines, des
loix naturelles, & des loix fondamentalles de
de l’Estat, (qui sont des loix qu’on ne sçauroit
transgresser sans estre digne de mort) qu’à maintenir
vne trouppe de tyrans, dans la tyrannie
qu’ils exercent contre tous les peuples de
France ?
Le salut des subjets est la premiere, la principale,
& la plus importante loy de toutes les loix
du monde. Hors de ce principe tout est en desordre :
Et ceux qui n’imitent pas Iesus-Christ en
cela sont dignes d’vne reprobation éternelle.
Il y a fort peu de personnes qui ne sçachent
bien qu’il s’est liuré à la mort pour nous donner
la vie : & cela suffit pour prouuer ce que ie viens
de dire. Il n’est point de volonté contraire à la
liberte publique, qui ne soit odieuse, & à Dieu
& aux hommes. Et tout ce qui va directement
contre cette liberté, se peut mettre au nombre
des veritables tyrannies.
Peuples de Paris, prenons hardiment les armes
contre cette secte Mazarin que : car si nous
le faisons auec le mesme esprit que nous le deuons
faire, nous trouuerons que tout le reste de
la France en fera de mesme. Il n’y a pas vne
Prouince, ny petite, ny grande, quine s’attache