[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

Mazarin vous a procuré ; & finalement s’il y a
de la Iustice [1 mot ill.] tirer d’vne oppression qui vous
fait creuer sous la pesanteur de sa charge.
 
Ne sçauez vous pas bien qu’il n’y a rien au
monde de plus iuste que ce qui est appuyé des
loix diuines, des loix humaines, des loix naturelles,
& des loix fondamentales de l’Estat. Les
loix diuines veulent que tout homme qui n’aime
pas Dieu de tout son cœur & de toute son
ame, son prochain comme soy mesme, soit puny
comme vn idolâtre, & comme vn homicide.
Les loix hum aines veulent que tout homme qui
va contre le Decrer du Prince, de l’Estat, ou des
Superieurs, soit puny selon la grandeur de son
crime. Les loix naturelles veulent que celuy
qui fait à son prochain ce qu’il ne voudroit pas
qu’on luy fit à luy mesme, serue d’exemple au
reste des hommes. Et les loix fondamentales de
l’Estat, veulent qu’on maintienne l’Eglise de
Dieu dans ses droicts ; qu’on protege les sujets
enuers tous & contre tous ; qu’on fasse obseruer
la Iustice ; que la loy Salique donnée contre les
femmes & contre les estrangers soit inuiolablement
gardée ; & que le droict des gens, qui regarde
les Ambassades, la Principauté, le domaine,
& les choses publiques, communes & sacrées,
ne soit non plus leze que la Maiesté du
Prince.
Exod. 21. &
22.
Deut. 5.
1. Iean. 2.
Presid. de
Thou.
Gomes.
Monstrelet.
Belleforest.
Aubigny. Du Chesue
Mariana.
Pasquier.
Pradin.
Duplessis.
Serres, &c.
1. Iean 2.
1. Tun 1.