[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

Royale, que Mazarin a si tyranniquement vsurpée,
tous les autres moyens nous sont déniez, &
que vous y estes necessairement contraints, par
l’extreme necessité de vous deliurer de vostre
prodigieuse seruitude.
 
Me demandez vous si ce sousleuement est iuste ?
c’est me demander si la conseruation de la
gloire de Dieu, du culte diuin, de l’Eglise, de
l’honneur du Roy, du bien de l’Estat & de la felicité
publique sont des choses iustes.
Me demandez vous si ce sousleuement est iuste ?
c’est me demander s’il est iuste d’abandonner
l’interest du Createur & le salut de toutes ses
creatures, à la persecution d’vn abominable Ministre.
Me demandez vous si ce soûleuement est iuste ?
C’est me demander si vous estes iustement
oppressez, si Mazarin regne auec iniustice ; s’il
faut laisser les affaires en l’estat où elles sont ; si
vous auez droict de defendre vostre pain, vostre
liberté & vostre vie ; si Dieu vous a fait naistre
pour souffrir d’vn Tyran ; s’il peut equitablemẽt
disposer de vos biẽs & de vos personnes
si vous auez merité le mal qu’il vous fait ; si vous
n’estes pas les plus criminels de tous les hommes ;
si le Ciel n’a pas conjuré vostre perte ; si
vous n’estes pas obligez de souffrir le sort que