[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

Mazarin pourroit auoir en comparaison de tout
vn monde capable de faire la loy à tous les autres
peuples de l’vniuers, & capable de conquerir
toute la terre habitable ?
 
Pourquoy est-ce que Saint Paul recommandoit
auec tant d’ardeur l’vnion à tous les Chrestiens ?
& pourquoy est-ce que Iesus-Christ
prioit son Pere auec tant de zele, afin de faire
en sorte que tous les fidelles ensemble ne fussent
qu’vn en sa personne, si ce n’est pour vaincre
auec plus de facilité, l’ennemy commun de
Dieu & des hommes ?
Eph. 4.
Hier. 17.
Gal. 3.
Si les forces du Prince ne consistent qu’en la
parfaite vnion de ses sujets, comme ledit fort
bien Chelidonius Tigurinus en son institution
des Princes, ie soustiens par la mesme raison, &
auec autant de verité qu’il le sçauroit faire, que
les forces de ces mesmes sujets que ie tiens estre
par ce moyen là inuulnerables, ne sçauroient
subsister qu’en la parfaite vnion de laquelle ils
se doiuent seruir, pour chasser Mazarin de l’Estat,
ou pour exterminer toute la race Mazarinique.
Et certes il n’y arien dans le monde qui
les puisse rendre si forts & si redoutables que
cette merueilleuse source de toutes les felicitez
publiques, lors qu’ils taschent de la conuertir
en vne nature tout à fait hipostatique, & d’vne
durée inuiolable. C’est par son moyen que