[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

à demeurer dans le Ministeriat, au preiudice
de tout ce que nous auions conquis sur les
ennemis, que pour acheuer de prendre ce qui
s’est pû sauuer de ses premieres voleries Iugez
par ce qu’il a fait au passé, le ce qu’il a encore
enuie de faire à l’aduenir, si nous sommes si lasches
que de le laisser viure. Ie dis viure, parce
que si l’on ne fait que le chasser, il reuiendra toûjours
tost ou tard pour continuer ses beaux desseins,
& pour se venger des iniures que nous luy
aurons faits.
 
Notez bien
cecy.
Le moyen de surseoir l’execution d’vn Arrest
donné contre vn homme qui comble toute l’Europe
d’vn nombre infiny de malheurs, & qui
fera tousiours la mesme chose si l’on ny met ordre
sans qu’il y aille de la gloire de Dieu de l’honneur
du Roy, du salut de la Couronne, du repos
public, & de bien vniuersel de tous les peuples
de France ?
Le moyen de laisser plus long temps toute la
France à la mercy d’vn perfide qui n’a ny Dieu,
ny foy, ny loy, qui permet à des abominables
legions de Diagoras & de Theodorus d’exercer
toutes les cruautez imaginables, sur les temples
viuants d’vne celeste virginité. & sur ce que la
pieté Chrestienné a mis au nombre des choses
les plus saintes & les plus sacrées ?
Le moyen de souffrir dauantage dans le gouvernement