[retour à un affichage normal]

Mazarinade n° C_1_17

Image de la page

Anonyme [1649], LE COMMERCE DES NOVVELLES RESTABLY, OV LE COVRRIER ARRESTÉ PAR LA GAZETTE. , françaisRéférence RIM : M0_718. Cote locale : C_1_17.

Premierement sa taille estoit fort auantageuse, affin de
pouuoir descouurir par tout, & d’auoir tousiours le nez au
vent, elle estoit laide comme vn cu, mais sa compagne
flatterie luy auoit mis vn masque qui la faisoit paroistre belle
comme le iour, sa coiffure à la mode enrichie de galans de
toutes sortes de couleurs ; mais ie trouuay fort estrange
qu’elle faisoit comme vanité de monstrer de grandes vilaines
aureilles dans le trous desquelles elle auoit fiché les
bouts de quantité de petits entonnoirs d’argent, dont chacun
portoit graué le nom de quelque Prouince, elle auoit
à la droite vne plume fort bien taillée à la mode des Procureurs,
& l’escritoire penduë à la ceinture de sa robbe en
façon de Monstre ou de Drageoir, son collet estoit de
poinct de Gennes, sa chemise de toille de Hollande, ses
manchettes de Flandre, & sa robbe à l’Italienne de taffetas
changeant, parsemée de langues & d’aureilles en broderie ;
elle auoit au tour d’elle autant de miroirs qu’vne reuandeuse,
dans lesquels de quelque costé qu’elle se tournast,
on pouuoit remarquer tout ce qui se passoit aux enuirons,
mais les objects y paroissoient plus beaux qu’ils
n’estoient, & les glaces n’en estoient gueres fidelles ; elle
auoit des aisles à ses patins, ses pieds n’estoient iamais en
repos, & sembloient faire beaucoup de chemin, quoy qu’ils
ne bougeassent de leur place, des pacquets de papiers sortoient
de ses pochettes, l’on luy d’ardoit incessamment des
lettres & des despesches, & les pacquets vosloient au tour
d’elle comme les mouchoirs sur le theatre d’vn charlatan,
le siege où elle se deuoit asseoir estoit pliant fait de bois de
tremble, dont la boule de la fortune faisoit le marche pied, &
toute cette machine estoit sur vn piuot, au haut duquel
estoit vne giroüette qui tournant à toutes sortes de vents,
tournoit quant & quant le siege & la personne qui y estoit
assise ; desquelles y eust esté conduite par l’infortuné Courrier,
elle luy fit vne reuerence, & luy dit seruiteur tres-humble ;
apres s’estre fait rendre les marques & les ornemens
de sa dignité ; Aussi-tost ie vis entrer des Espagnols,
Allemands, Flamands, Suisses, Portuguais,