[retour à un affichage normal]

Mazarinade n° B_16_4

Image de la page

Anonyme [1652], LA VOIX DE PEVPLE AV ROY, Pour la Paix Generale. , françaisRéférence RIM : M0_4058. Cote locale : B_16_4.

beaucoup. Le Card. Mazarin à force d’auoir tiré le portrait
d’vn Roy, il trouue cette condition si charmante,
il ne se contente pas de ses copies, mais en veut auoir l’original.
Ce ne luy est pas assez de commander en Roy, il faut
n’auoir point de cõpagnon, le Ciel ne peut souffrir qu’vn
Soleil, ny vn Royaume qu’vn Roy, & veut vous faire
passer le Sceptre par deuant le nez, & vous supplanter, en
affoiblissant vos forces, en diminuant vostre authorité,
& en vsurpant tous les droicts & les priuileges d’vn Roy.
N’est-ce pas vous faire tort, que de vous donner vn Ministre
qui gouuerne de son plein pouuoir vos Estats, il semble
que vous soyez indigne de commander, & que vous
soyez dans l’incapacité, où peut croupir vne minorité
puerile & defectueuse, l’on sçait que dés vostre bas aage
vous estiez intelligent sans peine, iudicieux sans hesiter,
secret sans contrainte, discret sans ceremonie, que vostre
parole estoit nette & ferme, vostre silence parlant & animé,
que vous n’auiez point d’autre passion que pour la
gloire, ny de courage que pour la vertu, & pour maintenir
vos Estats ? Quoy toutes ces belles qualitez Royales
cederont-elles aux imperfections & déreglemens d’vn
particulier ambitieux ? quoy les vertus Françoises se sousmetteront
aux vices estrangers, & l’on verroit vostre Majesté
faire la Cour a vn de ses Sujets ; qui pourroit voir
l’ambition & les fourberies du Card. Mazarin appuyées
& soustenües de l’humilité & de la fidelité de vos bons
François, qui pourroit souffrir commander vn seruiteur,
obeïr vn Maistre, & voir sur vn Thrône celuy qui deuroit
estre sur vn eschaffaut.
 
Apelles.
Belles qualitez.
C’est le mesme, SIRE, de commander dans vn
Royaume à plein pouuoir, & d’en auoir la Couronne sur
la reste, & nous voyons qu’Edoüard Roy d’Angleterre ne
croyoit pas auoir remporté vne victoire, à moins qu’il ne