[retour à un affichage normal]

Mazarinade n° B_16_4

Image de la page

Anonyme [1652], LA VOIX DE PEVPLE AV ROY, Pour la Paix Generale. , françaisRéférence RIM : M0_4058. Cote locale : B_16_4.

rachepter leur vie, ils les ont tant chargez de coups, qu’ils
ont esté pris pour morts, tant leur insolence est cruelle &
outrageuse. Ils en ont matyrisé quelques vns, leur faisant
brusler & grisler la plante des pieds, pour arracher quelque
piece d’argent : Cela ce fait, SIRE, dans vostre Royaume,
le plus souuent à deux cens pas de Vostre Majesté :
L’on se massacre les vns les autres pour vne bouchée de
pain, & l’on s’arrache la vie, pour se la conseruer, n’est-ce
pas vn grand desordre : & qui peut voir toutes ces miseres
d’vn œil sec, d’vn visage gay, & d’vn cœur entre coupé
d’aucuns sanglots : les rochers s’ils auoient quelques
sentimens, en témoigneroient de la douleur, & ie crois
qu’il n’y a point de beste pour inhumaine soit elle, qui à
l’aspect de tout se tintamarre, ne se sente émeuë par vn instinct
naturel, & par vn ie ne sçay quoy, qu’on ne sçauroit
exprimer.
 
Caligula.
Il faut aduoüer que c’est vn terrible & dangereux tyran
que l’auarice, que n’a point fait cette passion aueugle,
n’a t’elle pas fait trancher la teste à l’Empereur Maurice,
n’a t’elle pas excité toutes les seditions dans la Suisse du
temps de sainct Louys, n’a t’elle pas fait passer par le fil de
l’espée plusieurs Seigneurs de ce pays là, lesquels estoient
ébloüis de cette enragée. Ah ! que la France seroit heureuse
si l’auarice du Card. Mazarin le pouuoit traiter de
la sorte, il ne s’ourdiroit pas tant de meurtres, l’on ne trameroit
pas tant d’emprisonnemens, les pilleries n’inquieteroient
plus vostre. Peuple, les larcins ne le dépouïlleroient
point de tous ses biens, les saccagemens ne luy feroient
point d’horreur, & les Guerres ne troubleroient
pas la Paix de leurs familles, & la tranquillité de leurs ménages ?
N’est-ce pas elle qui forme les assassinats que l’on
met à prix entre nous, ne fait-t’elle pas corrompre &
rompre la foy, violer toute amitié, & trahir sa patrie ?