Mazarinade n° B_16_4
Image de la page
Anonyme [1652], LA VOIX DE PEVPLE AV ROY, Pour la Paix Generale. , françaisRéférence RIM : M0_4058. Cote locale : B_16_4.
dans vostre Palais ; enfin le voila entré, il croit desja
auoir Iustice par l’esperance qu’il a de vous parler ? Ah !
tout beau, où te fourre-tu trop infortuné, ton espoir &
tes souspirs sont de mesme nature, & comme leur naissance
& leur origine sont égales sortant de tes malheurs,
leur mort doit estre pareille & de mesme durée ; tu ne
vois pas ce Courtisant empourpré, cét auare ambitieux,
lequel ne te voyant chargé que de vent & de pauureté, te
chassera auec honte & ignominie, que pense tu faire en
criant ; ie voudrois bien parler au Roy, ie demande Iustice,
l’on ma pillé, l’on ma volé, ie n’ay plus rien, la faim
m’estrangle, ie m’en vay mourir ; tu t’en vas mourir,
meurt te dira t’on, ce n’est pas grande perte, puis que tu
n’as plus rien ; l’on t’a volé, dis tu, & dérobe de ton costé,
la faim ta pris à la gorge, prends y t’on voisin pour luy
oster le morceau de la bouche, Ie m’imagine que tu
croyois auoir audiance du Roy, l’on t’en empeschera
bien, tu ferois voir à sa Majesté la cruauté que l’ambition
de quelques Tyrans exercent sur son pauure Peuple.
Non, non, il vous la faut lascher, SIRE, de peur que vostre
Iustice n’en tire la juste vengeance, mais que feront
ces pauures miserables, denüez de tous biens, abandonnez
de tous secours, & de tout ce qu’il y a au monde, excepté
de leurs malheurs, & de leurs calamitez. Entre les
bras de qui se jetteront ils, si ce n’est entre ceux de vostre
bonté, bonté qui vous est si naturelle, que vous ne
seriez pas Bourbon, si vous n’estiez estimé pour bon.
Chercheront ils dans les Païs estrangers quelque soulagement
à leurs miseres, l’on les accuseroit d’infidelité enuers
vostre Majesté. Iront-ils se plaindre à vos Ministres,
l’on les chassent outrageusement, & nous en sçauons qui
ont esté bastonnez, comme des importuns & des insolens,
pour auoir demandé Iustice à eux mesme, du tort
Image de la page