[retour à un affichage normal]

Mazarinade n° B_17_27

Image de la page

Anonyme [1652], LA VERITÉ, PARLANTE AVEC liberté, sur l’Estat present. I. Sur la corruption de tous les Ordres & Loix du Royaume, dans le Ministere du Cardinal Mazarin. II. Sur les mal-heurs que la France à soufferts par sa tyrannie. III. Sur les moyens de preuenir à l’aduenir le Gouuernement des Estrangers. IV. Et pour pourueoir à la Regence durant la Minorité & le bas-aage de nos Rois. , françaisRéférence RIM : M0_3997. Cote locale : B_17_27.

de la Sagesse & de la bonne intention
de son Altesse Royale de Messieurs les Princes,
des Parlements & des Peuples qui leur obtissent,
pourra-t’on trouuer mauuaise l’armée estrangere
qui est entrée en France par les ordres de son
Altesse Royale, pour le veritable seruice de sa
Maiesté & pour le soustien de son authorité contre
ceux qui en abusent ? Aymera-t’on mieux
que les beaux conseils donnez au Roy par vn
homme descrié chez nous & dans tout le reste
de l’Europe, vn detestable, vn volleur, vn fourbe
perpetuel, enfin vn proscript, demeurent &
nous fassent sentir les derniers efforts de sa tyrannie
& de sa vengeance, que de faire les nostres
pour l’en empescher ? Certes cela ne se doit
croire, le charme est à present leué, les plus simples
sont desabusez & les sages resolus de poursuiure
leur dessein iusques au bout, qui est de ne
point poser les armes que les mauuais Ministres
Estrangers, qui possedent la personne du Roy &
qui continuent à faire executer s’ils peuuent les
mal-heureuses pretentions du Mazarin, ne soient
chassez. Son Altesse Royale & Messieurs du parlement
ne peuuent plus souffrir ce deshonneur
à la Couronne ; c’est pourquoy l’on espere d’eux
ce qu’ils feront pour le bien de l’Estat & pour
la tranquillité publique que nous ne sçaurions
auoir que par la ruine de ses ennemis capitaux ;