[retour à un affichage normal]

Mazarinade n° B_19_41

Image de la page

Anonyme [1652], LA VERITABLE LEVEE DV SIEGE D’ESTAMPES, Par l’armée des Mazarins, commandée par le Mareschal de Turenne. Auec la deffaite de leur Arriere-garde, par l’armée de S. A. R. commandée par les sieurs de Tauanes & de Clinchamp. La prise de leur bagage, & le nombre des morts & prisonniers, apportée à S. A. R. cette nuict. Le septiesme Iuin 1652. , françaisRéférence RIM : M0_3940bis. Cote locale : B_19_41.

vangeance & de tyrannie, comme desia la leuée
du siege d’Estampes, nous en fait voir des preuues
asseurées. Tout ce grand feu que les Mazarins
y ont fait par leurs Canons, Mortiers, & grenades,
pour massacrer leurs propres freres, n’a fait
qu’esleuer des vapeurs, en montant vers son
centre pour former l’orage qui va bien-tost creuer
sur leurs testes criminelles.
 
Le Mareschal de Turenne voyant qu’il n’y
auoit point d’apparence de forcer vne meschante
place si bien deffenduë, & par des gens si resolus,
enuoya le septiesme de ce mois dés la
pointe du iour, vn Courier au Cardinal Mazarin,
pour luy representer le peril qu’il y auoit
de persister dauantage en vn lieu où il faisoit si
chaud, & qu’il n’estoit plus resolu de donner
aucun assaut, veu qu’il y perdoit tousiours beaucoup
de ses gens sans rien auancer, & qu’il les
falloit conseruer pour vne autre occasion qui se
deuoit bien-tost presenter. Le Cardinal Mazarin
bien estonné à ses nouuelles, tint conseil à la
haste auec Monsieur le Garde des Seaux, &
quelques autres de ses confidens, & aussi-tost
depescha vn Courier audit sieur Mareschal de
Turenne pour retirer ses gens & l’artillerie, auec
le meilleur ordre qu’il luy seroit possible.
Ainsi ledit iour 7. de Iuin, le Mareschal de
Thurenne commença sur les deux heures apres