[retour à un affichage normal]

Mazarinade n° D_2_36

Image de la page

M. L. [1650], DISCOVRS ET CONSIDERATIONS Politiques & Morales SVR LA PRISON DES PRINCES DE CONDÉ, CONTY, ET DVC DE LONGVEVILLE. , françaisRéférence RIM : M0_1120. Cote locale : D_2_36.

que dans vn si grand malheur, ayant plus besoin de moderation
que d’impetuosité, son naturel le porté plus à la fougue
qu’à la patience. C’est en ce rencontre, ou s’il a du
courage, il doit paroistre. Il n’a rien fait encores pour sa
gloire d’auoir vaincu les ennemis, s’il n’est le maistre de soy-mesme ;
on le liure mesme tout enchaisné à sa raison, on
le tient, on luy oste la liberté de mal-faire, il ne luy doit pas
estre difficile de se vaincre, & d’en perdre la punissable volonté.
Qu’il desploye toute la grandeur de son ame, & que
dans sa prison il liure vn combat à ses passions plus difficile
que tous ceux qu’il a iamais faits à la campagne. Que malgré
ceux qui luy ont osté la liberté de se seruir de son espée, il
commence à remporter sur ses propres vices de nouuelles sortes
de victoires.
 
Si sa prison luy peut valoir vn si grand aduantage, qu’elle
luy est heureuse ! & qu’il doit benir sa captiuité s’il y rencontre
la vertu ! il n’a que faire de souhaiter la liberté s’il trouue
dedans la solitude de ses fers, vne si souhaitable compagnie.
Elle luy vaut plus que toutes les delices de la Cour, que toutes
ses pompes & toutes ses richesses, & que la possession mesme
de toute la terre. N’est-ce pas elle qui nous apprend à viure
naturellement pour estre heureux, c’est à dire, comme la
fort bien entendu Epicure, à se passer des choses qui sont
naturellement necessaires à la vie, & à faire vn digne & genereux
mespris des superfluës ? il a tout ce qu’il luy faut pour
estre satisfait, s’il est Philosophe & s’il veut faire profession
de sagesse. Que luy manque t’il de dans sa prison qui l’empesche
d’estre le plus contant de tous les hommes ? sont-ce des
biens ? il en a assez pourueu qu’il n’en souhaite pas dauantage.
Sont-ce les honneurs ? il est bien malheureux s’il les souhaite,
& il a bien mauuaise memoire s’il ne se souuient combien
leur nature est fragile, & comment tout ce qu’il en auoit
acquis en sa vie s’est esuanoüy dedans vn moment Quoy
donc, sont-ce les delices qui luy manquent ? il ne s’en plaindra
pas s’il sçait qu’il n’y en a point d’autres pour le corps que
de contenter modestement ses appetits, & non pas les affliger