[retour à un affichage normal]

Mazarinade n° B_15_7

Image de la page

Louis (XIV), De Guénégaud, Radigues [signé] [1652], DECLARATION DV ROY, PORTANT TRANSLATION DV PARLEMENT de Paris en la Ville de Pontoyse. AVEC L’ARREST D’ENREGISTREMENT d’icelle. , françaisRéférence RIM : M0_942. Cote locale : B_15_7.

de la Rebellion, & au payement des Trouppes d’Espagne.
Il n’est pas mal aise de iuger que les resolutions prises
lesdits iours vingt & vingt-quatrie me de ce mois ont esté la
fin & l’objet de toutes les autres deliberations precedentes,
& que tant de violences commises auparauant, n’auoient esté
entreprises que pour paruenir à ce qui est porté par lesdits pretendus
Arrests, qui est le premier effet de la Seruitude, où no
nostre bonne Ville de Paris & nostre Cour de Parlement se
trouuent reduites, & le premier fruit que les Rebelles ont a
recueillir de leur vsurpation. Ce qui est le plus à remarquer
est que la passion les a tellement aueuglez, qu’ils ne se sont pas
apperceus des contradictions, où ils ont fait tomber ceux dont
ils se sont seruis pour l’establissement de leur authorité mal
fondée, ny des resolutions ridicules qu’ils leur ont fait prendre,
chacun reconnoist assez qu’vne Compagnie espouuentée & opprimée,
tant parce qui s’est passé iusques à present, que par la
presence des Chefs de la rebellion & celle d’vne multitude armée
qui a tousiours tenu cõme assiegé le lieu ou les assemblées
ont esté faites, n’a pas laissé la liberté des suffrages : D’ailleurs
vne resolution prise au preiudice d’vn Arrest donné auparauant
par nostre dite Cour qui auoit surcis toutes sortes de deliberations
pour les affaires publiques, iusques à ce qu’il eust esté
pourueu à la seureté de la Ville & de la Iustice n’a pû estre vallable
dans vn temps ou ladite liberté au lieu d’auoir estéveritable
a esté entierement étouffée : Outre cela le pretexte qu’on a
pris en supposant que nous sommes detenus prisonniers est tres
ridicule & tres mal seante en la personne de ceux qui s’en seruẽt,
puis qu’ils n’ont pas eux-mesmes la liberté de sortir de Paris
ny celle de dire leurs sentimens, & que la pluspart à peine
ont celle de sortir de leurs maisons, au lieu que dans les Villes
ou nous sommes & par qui nous passons on ne refuse l’entrée
ny la sortie à personne, qu’on ne s’enquiert point du sujet qui y
appelle le monde, ou qui les fait sortir, & que l’on ne fait autres
gardes aux portes que celle qui est accoustumée pour la seureté
desdites Villes : Aussi est-il bien malaisé à comprendre comment
ceux qui nous demandẽt par ledit Arrest du 20. que nous
esloignions nostre Cousin le Cardinal Mararin, ont entendu
que nous le puissions faire, s’il estoit veritable, ou qu’il y eust la
moindre apparence que nous fussions prisonniers entre ses