[retour à un affichage normal]

Mazarinade n° E_1_128

Image de la page

Louis (XIV), De Guénégaud, Du Tillet [signé] [1649], DECLARATION DV ROY. POVR FAIRE CESSER LES mouuemens, & restablir le repos & la tranquillité en son Royaume. Verifiée en Parlement le premier Auril mil six cens quarante-neuf. , françaisRéférence RIM : M0_944. Cote locale : E_1_128.

EXTRAICT DES REGISTRES DE PARLEMENT.
CE jour, LA COVR, toutes les Chambres assemblées,
Apres auoir veu les Lettres Patentes en forme
de Declaration, données à Sainct Germain en Laye
au mois de Mars dernier, signées LOVIS, & Par le Roy,
la Reyne Regente sa Mere presente, DE GVENEGAVD, & seellées
en lacs de soye du grand Seau de cire verte, expediées sur les
mouuemens presens & pour les faire cesser, ainsi que plus au
long est porté par lesdites Lettres à la Cour addressantes, & les
conclusions du Procureur General ; A ORDONNÉ ET ORDONNE,
Que ladite Declaration sera registrée au Greffe d’icelle, pour
estre executée selon sa forme & teneur, & copies d’icelle enuoyées
en tous les Bailliages & Seneschaussées de ce ressort, pour
y estre leuë, publiée & executée à la diligence des Substitus dudit
Procureur general, qui seront tenus certifier la Cour auoir ce
fait au mois. Fait en Parlement le premier iour d’Avril 1649.
ET ARRESETÉ qu’il sera rendu graces à Dieu : & le Roy & la
Reyne Regente remerciés, de ce qu’il leur a pleu donner la
Paix à leur Peuple, Qu’à cette fin seront deputez des Presidens
& Conseillers de ladite Cour pour faire ledit remerciement, Et
supplier ledit Seigneur Roy & ladite Dame Reyne d’honorer la
ville de Paris de leur presence, & d’y retourner : Comme aussi feront
instance pour les interests particuliers de tous les Generaux.
Et outre arresté qu’il sera donne ordre au licentiement des Troupes.
Signé, DV TILLET.
Collationné aux originaux par moy Conseiller,
Secretaire du Roy & de ses Finances.