[retour à un affichage normal]

Mazarinade n° B_15_48

Image de la page

Louis (XIV), De Guénégaud, Denis [signé] [1652], DECLARATION DV ROY, Portant restablissement de la Chambre des Comptes, transferée à Ponthoise, en la Ville de Paris. Veriffiée en ladite Chambre le vingt-deuxiéme Octobre 1652. , françaisRéférence RIM : Mx. Cote locale : B_15_48.

LOVIS PAR LA GRACE DE DIEV,
ROY DE FRANCE ET DE NAVARRE :
A tous ceux qui ces presentes Lettres
verront, Salut. COMME nous n’eusmes
autre dessein en transferant par nos
Lettres Patentes du 12. du mois d’Aoust
dernier, nostre Chambre des Comptes de Paris en
nostre Ville de Ponthoise, que de la garentir du peril
où elle se trouuoit alors soubs la domination d’vne
faction rebelle, & de la mettre en vn lieu où elle peust
exercer sa fonction en toute seureté : A present que la
fidelité & le courage des Habitans de nostre bonne
Ville de Paris l’ont emporté, sur le dessein qu’auoient
les autheurs des troubles presens de les tenir tousjours
captifs, que par leur genereuse resolution ils se sont
deliurez de cette tirannie, que les diuerses deputations
& les soubsmissions qu’ils nous ont faites, Nous ont
assez tesmoigné le regret qu’ils auoient de s’estre laissé
engager dans vne si cruelle oppression, & que pour
asseurer leur repos & leur donner de continüelles marques
de leur bien-veillance ; Nous auons resolu d’y
aller en personne, Nous auons creu que nous y pouvions
faire reuenir les Compagnies que nous en auions
retirées, & que chacune d’elles y pourroit desormais
demeurer en seureté, & nous y seruir & le public librement
selon le deuoir de leurs Charges. NOVS
Pour ces causes, DE l’Aduis de nostre Conseil, où