[retour à un affichage normal]

Mazarinade n° C_5_59

Image de la page

I. A. D. [1649], IMPORTANTES VERITEZ POVR LES PARLEMENS. PROTECTEVRS DE L’ESTAT. CONSERVATEVRS DES LOIX. ET PERES DV PEVPLE. Tirées des anciennes Ordonnances, & des loix fondamentales du Royaume. DEDIEE AV ROY. Par I. A. D. , français, latinRéférence RIM : M0_1686. Cote locale : C_5_59.

& luy dit ; Ie me suis leuée pour estre vostre mere, & i’ay
mon cœur vers les gouuernemens, ou selon la verité Hebraïque,
les Legislateurs d’Israël. Exemple auguste pour
les Regentes en nostre Monarchie, qui doiuent cherir
les Magistrats, & preferer tousiours la qualité de
mere du Peuple, à celle que s’estoit acquise cette
Princesse Romaine par le mespris des Loix, de mere
des armées. Dieu qui a mis les cœurs des Rois dans
les mains des Sages, & que nous reconnoissons Protecteur
de l’Estat François, destruira les desseins iniustes
de ceux qui font porter à nostre Reyne ces
noms d’espouuante & de terreur. C’est cét œil de la
Iustice Diuine, qui découure tout ce que la malice
des hommes tient secret & caché, cette haute Prouidence
du Ciel impenetrable aux yeux des hommes,
mais neantmoins qui penetre par tout, par la sage
conduite de laquelle tous les euenemens du monde
sont reglez, qui fera connoistre à nostre Princesse,
que le Parlement n’a pour but de son entreprise, sinon
de remettre le Roy en liberté par la deffaite des
esprits factieux qui abusent de son authorité. Elle
reconnoistra que les Arrests rendus contre ces perturbateurs,
sont des foudres esclatans de l’amour du
bien public ; semblables à ceux que les Anciens appelloient
Auxiliaires, dont l’approche peut auoir
quelquefois apparence de nuire, mais l’effect est
tousiours de secourir. On remarque entre les merueilles
des Indes, qu’il y a vne fontaine d’où l’on
puise quantité d’or, & au fond se trouue du fer qui
a cette proprieté, que les espées qui en sont faites ne