[retour à un affichage normal]

Mazarinade n° C_5_59

Image de la page

I. A. D. [1649], IMPORTANTES VERITEZ POVR LES PARLEMENS. PROTECTEVRS DE L’ESTAT. CONSERVATEVRS DES LOIX. ET PERES DV PEVPLE. Tirées des anciennes Ordonnances, & des loix fondamentales du Royaume. DEDIEE AV ROY. Par I. A. D. , français, latinRéférence RIM : M0_1686. Cote locale : C_5_59.

s’obseruent aux Sacres & aux Couronnemens, que les
peuples sont tenus de declarer tout haut, qu’ils trouuent
le Roy digne de les gouuerner, & tenir en main
les rhenes de l’Empire, Scitis illum esse dignum, c’est la
demande que l’on fait, vtilemque Ecclesiæ & ad huius
regni regimen, nouimus & credimus eum dignum esse : Mais
le serment qu’il preste ensuite, de maintenir & conseruer
vn chacun en ses biens, obseruer les Loix, & se
sousmettre à la Iustice, Profiteor & promitto legem &
iustitiam, & populo deinceps mihi subiecto pacem, comme
si on ne commençoit à le reconnoistre Roy, deinceps,
que lors qu’il s’est obligé par serment, de procurer la
Paix à son peuple ; ce n’est point vne vaine ceremonie,
mais vn contract solemnel qui lie estroitement
les Rois à Dieu & aux hommes, & dont les Parlemens
sont tenus par le droit de leurs charges de poursuiure
l’execution, estans seuls constituez guarands par les
Loix du Royaume, des promesses & de la volonté
des Rois enuers leurs peuples. Volonté qui ne peut
estre changée pour quelque cause ou pretexte que ce
soit : Semel iu[2 lettres ill.]ui in sancto, si Dauid mentiar, dit ce Roy
Prophete ; quod egressum est de labiis meis non mutabo. Les
Egyptiens qui auoient l’art d’exprimer les secrets de
la nature par des sculptures & des caracteres, que les
Grecs appellent Hieroglyphiques, sous le voile desquels
ils couuroient les mysteres de leur Philosophie,
voulant representer vn certain fleuue qui engraissoit
merueilleusement, & faisoit profiter leurs terres :
depeignoient vn cœur, & à ce cœur ils donnoient
vne langue, [illisible]. Comme Orus