[retour à un affichage normal]

Mazarinade n° E_1_50

Image de la page

Du Tillet [signé] [1649], Arrest de la Cour DE PARLEMENT, PORTANT NOVVELLE POLICE pour la distribution publique des Pain, Bleds & Farines en cette Ville & Faux-bourgs de Paris, Auec pouuoir à tous Marchands Forains & autres, d’y en amener, & les vendre à tel prix qu’ils conuiendront auec les Achepteurs. , françaisRéférence RIM : M4_13. Cote locale : E_1_50.

Extraict des Registres de Parlement.
SVR ce qui a esté remonstré par le Procureur
General du Roy, Que depuis peu les
Marchands Forains qui apportoient en
cette Ville des bleds & farines, mesmes
du pain, ont cessé de ce faire sous pretexte
de la Taxe faite aux bleds & farines qui sont entrez ve
nans de Corbeil, ce qui causeroit vne disette éuidente,
au grand prejudice du Public ; Outre que les Boulangers
tant de gros que petit pain, cuisent la plus part des farines
qu’ils ont en pain blanc, qu’ils vendent cherement,
en sorte que les Pauures n’en ont à suffisance ; ce qui causeroit
vn desordre s’il n’y estoit pourueu ; LA COVR
toutes les Chambres assemblées, a permis & permet
à tous Marchands Forains & autres, d’amener en cette
Ville bled, farines & pain en telle quantité qu’ils voudront,
lesquels ils debiteront & vendront à tels prix &
conditions dont ils conuiendront auec les Achepteurs :
Seront tenus les Boulangers, tant de petit que de gros
pain & Paticiers de cette Ville & Faux-bourgs, de cuire
tout le bled qu’ils auront d’oresnauant en pain bis ou
tout sera, hors le gros son, de diuers poids ; Sçauoir les
Boulangers de petit pain d’vne ou deux liures, & ceux
de gros pain depuis vne jusques à six liures, defense à
eux d’en cuire d’autre façon ny de plus blanc, à peine
de cent liures d’amende & de confiscation : Et afin que
le Peuple tire soulagement des bleds & farines qui arriuent
iournellement, Ordonne ladite Cour qu’ils seront