[retour à un affichage normal]

Mazarinade n° C_12_7

Image de la page

Du Puy [signé] [1652 [?]], IVGEMENT CONTRADICTOIRE DE NOSSEIGNEVRS DES REQVESTES DV PALAIS DV PARLEMENT DE PARIS aprés six Audiances. SVR LA CONTESTATION MEVE ENTRE les Chanoines Reguliers de S. Augustin de la Congregation de France, & les Religieux Benedictins de la Congregation de S. Maur. , françaisRéférence RIM : Mx. Cote locale : C_12_7.

Bulle qui a sa datte de mil quatre cens quarante-huict,
inserée aprés le liure de Imitatione Christi, & intitulée
de Bulla indulgentiarum pro defunctis, & de ce qu’au
feüillet 342. verso, il y a ces mots, explicit opus Ioannis
de Tambaco, qui vocatur de consolatione Theologie, & de ce
qu’au mesme liure il y a vn traité au premier feüillet
cotté 8. où il est écrit incipit præfatio in visionem Tugaldi,
& qu’au second feüillet dudit liure cotté 81. il est écrit
incipit visio cuiusdam nomine Mugdalus ad ædificationem
muliorum,d’vne autre part ; & lesdits Roussel, Quatremaire,
Valgraue, & les Religieux Chanoines Reguliers
de l’Ordre de sainct Augustin en ladite Abbaye
de saincte Geneuiefue, defendeurs d’autre. Et encore
entre iceux Religieux, Chanoines Reguliers de
l’Ordre de Sainct Augustin de la Congregation de
France, demandeurs suiuant leurs demandes & requisitoires
contenus audit procés verbal, à ce qu’acte leur
fust donné de ce qu’ils declaroient ne prendre part &
interest en la contestation d’entre lesdits Naudé, Roussel,
Quatremaire & Valgraue, ny en l’action d’iniures
& reparations par eux respectiuement faites, n’ayans
autre interest qu’à faire voir & connoistre à vn chacun
que Thomas à Kempis, lequel a esté & est mort Religieux
Chanoine Regulier de l’Ordre de S. Augustin,
est le vray Autheur, & a fait & composé le liure intitulé
de Imitatione Christi, & qu’il n’y en a, ny n’en peut auoir
d’autre que ledit Thomas à Kempis ; & que pour le faire
voir & connoistre dauantage, requeroient qu’en la presence
desdites parties, pareils extraicts que ceux requis
par ledit Naudé dudit Manuscrit leur fussent deliurez ;
comme aussi qu’il fust procedé aux collations des trois
Chapitres inserez audit Manuscrit, és feuïllets 221.
222. & 223. recto d’iceluy, specifiez & reconnus par
ledit Constantin Cajetan, par lesdits Chenuot & de
la Brosse, d’vne autre part : & lesdits Naudé, Dom
Placide Roussel, Quatremaire, Valgraue, & Religieux
Benedictins de la Congegation de sainct Maur,