[retour à un affichage normal]

Mazarinade n° B_6_4

Image de la page

Douet, J. [[s. d.]], LA CONSOLATION DES BONS, ET LA DEFFENSE de leurs Escrits sinceres. CONTRE LES CALOMNIATEVRS. , françaisRéférence RIM : M0_772. Cote locale : B_6_4.

leur esprit, & leur vie petit à petit, & en pitoyable langueur.
Vne grande partie des Hommes ont leurs Femmes
qui s’opposent quelquefois à leurs bons desseins,
& leur causent souuent mille desplaisirs, encore qu’ils
les ayent d’ordinaire à leurs costez, à leur table, à leur
lict, & soient mesme à leur misericorde.
 
La plus grande part aussi des Animaux paisibles, ont
les Hommes pour ennemis. Et les Hommes d’vn autre
costé, ont contr’eux les Bestes feroces, & les plus foibles,
comme sont les Insectes, & la vermine. Il ne faut
donc pas s’émerveiller si les Dociles & Debonnaires,
ont quelquefois les Orgueilleux & Meschans, qui les
entreprennent & les attaquent injustement, mal à propos
& sans raison ; dautant qu’il n’y a rien sous le Ciel,
qui n’aye son contraire, & qui ne soit en danger d’estre
condemné ; bien que la Verité & la Iustice, les A[4 lettres ill.]
& Dieu mesme, soient de leur costé. Toutefois, encore
que nous soyons sujets à vne infinité de médisances, si
est-ce pourtant qu’il vaut mieux faire quelque chose,
digne d’eterniser sa memoire apres sa mort, pourueu
que l’on n’offense point Dieu, son prochain, ny sa
reputation, que d’estre oisif dans le monde sans rien faire,
de cette nature là qui immortalise. Autrement il
vaudroit autant n’auoir jamais esté, qu’auoir vescu aage
d’homme raisonnable sur la terre.
I. DOVET E. S. D. R.