[retour à un affichage normal]

Mazarinade n° B_10_33

Image de la page

D. L. N. P. [signé] [[s. d.]], DEVXIESME LETTRE D’VN ECCLESIASTIQVE A VN EVESQVE. Contenant la Confession de Foy du Pere Des-Mares, auec la response du Pere Dom Pierre de S. Ioseph, Fueillant. , françaisRéférence RIM : Mx. Cote locale : B_10_33.

« IE soustiens que selon la Foy Orthodoxe, il n’y
a point de grace suffisante pour vouloir, & pour
faire aucun bien qui ne soit efficace : c’est à dire, qui
ne consiste dans l’inspiration de la bonne volonté,
& de l’action.
Ie soustiens en particulier, que selon la Foy Orthodoxe,
il n’y a point de grace suffisante pour perseuerer,
qui ne soit efficace, & qui ne donne la
perseuerance mesme.
Et pour ce qui est de la grace, que quelques
Thomistes appellent suffisante pour pouuoir, outre
laquelle l’efficace est necessaire, qui donne le vouloir
& le faire, comme ie ne la reconnois pas suffisante,
si vne autre est necessaire, aussi ne la condamné-je
pas, comme contraire à la foy, ny aux fondemens
de la foy.
Ie ne condamne seulement que la grace suffisante
sousmise au franc-arbitre quant à son vsage, outre
laquelle vne autre efficace ne soit pas necessaire.
Car ie dis de cette grace, qu’elle renuerse la necessité
de la grace efficace à toute bonne œuure. Ce qu’on
ne peut faire sans renuerser les fondemens de la
foy.
Que si on appelle grace suffisante celle qui l’est
seulement, secundum quid & in aliquo genere, en
quelque maniere, par laquelle l’ame peut former
les actions surnaturelles du salut, en sorte toutesfois
qu’elle ait besoin d’vne autre actuelle & efficace,
tout ainsi que l’œil bien pur & bien sain a