[retour à un affichage normal]

Mazarinade n° C_5_38

Image de la page

Clément, Jean [1649], HARANGVE PRONONCÉE AVX PIEDS DV ROY ET DE LA REYNE, En presence de Messieurs les Ducs d’Anjou, d’Orleans & autres Princes du Sang, & principaux Officiers de la Couronne, à Sainct Germain en Laye le Lundy 19. iour d’Auril 1649. Par Me Clement, Iuré Coutelier à Paris, si renommé pour les Controuerses. Les Iurez des Corps des Métiers de la Ville, estant tous allez ensemble ce iour là protester de leur obeïssance & fidelité à leurs Majestez. , françaisRéférence RIM : M0_1608. Cote locale : C_5_38.

quelque occasion où Vos Majestez en
voulussent faire l’épreuue, nous ne manquerions
pas de leur faire voir des chefs
d’œuures de nostre amour & de nostre
obeissance. Mais aprés ces témoignages
de zele qui partent du profond de nos
cœurs, nous nous sentons obligez, MADAME,
de faire connoistre à Vostre
Maiesté le ressentiment que nous auons
de la grace qu’il luy a pleu nous faire en
nous donnant la Paix. Nous n’ignorons
pas que nous deuons ce bon-heur à la
seule bonté de Vostre Maiesté, & que
nostre soulagement nous est particulierement
venu de vostre Clemence, & de la
douceur de vostre Conseil & de vostre
Gouuernement. Aussi, MADAME,
nous vous en rendons nos tres-humbles
remercimens, & en reconnoissance d’vn
si grand bien, nous continuerons de faire
nos prieres à Dieu pour la conseruation
de vos Personnes sacrées, & pour la prosperité
d’vn si glorieux Regne, & d’vne si
douce Regence. Ce sont-là, MADAME,
les veritables sentimens des pauures Artisans