[retour à un affichage normal]

Mazarinade n° A_4_17

Image de la page

Balzac, Jean-Louis Guez de [?] [1649], LA HARANGVE CELEBRE FAITE A LA REYNE SVR SA REGENCE. , françaisRéférence RIM : M0_1544. Cote locale : A_4_17.

rappeller la felicité bannie, & les vertus fugitiues, qu’auparauant
on ne parlast d’enuoyer Mars en exil, ou de le mettre
à la chaine. Il a esté maudit de ceux mesmes qui l’ont
adoré, à l’heure mesme qu’ils l’adoroient, entr’autres beaux
noms qu’on luy donne, Orphée au commencement de
l’Himne qu’il luy a faite, celui de patricide n’est pas oublié,
furieux, impie & sacrilege sont ailleurs ses Epithetes perpetuels.
Et ainsi vous voyez, Madame, que dés ce temps il
estoit ennemy de la Religion & des choses sainctes, vous
voyez qu’il ne pardonne ny à pere, ny à mere, ny à patrie,
qu’il mangeoit les siens apres auoir deuoré les estrangers.
 
L’aage ne l’a pas rendu meilleur, il ne s’est point conuerty
de son ancienne impieté. Il viole encor la Religion
& prophane les Autels, le desordre, la licence, l’impunité
marchent encor à sa suite. Il se mocque encor de la Iustice
& de l’equité, des parentez & des alliances, & brise d’abord
les plus sainctes chaines qui lient les hommes auec
les autres hommes. Il ne fut iamais plus impitoyable ny
plus cruel. Mais chose estrange, Madame, il est plus prodigue
& plus affamé qu’il ne fut iamais. Vne nation de donneurs
d’aduis trauaille sans cesse aux inuentions de luy
trouuer de l’argent, & il en demande tousiours dauantage.
Les richesses du vieux & nouueau monde ne suffisent pas à
ses excez. Il destruit les vaincus par les pertes, & ruine les
victorieux par la dépense. Il se montre contraire en vn
lieu, il paroist fauorable en l’autre, mais par tout il est mauuais.
Voila bien des plaintes contre ce fantosme, & bien veritables
& bien iustes. Voila bien dequoy hayr ses faveurs,
qui ne sont gueres meilleures que ses disgraces. Si ne faut-il