[retour à un affichage normal]

Mazarinade n° C_1_46_1

Image de la page

Anonyme [1649], LE COVRIER POLONOIS, APPORTANT TOVTES LES Nouuelles de ce qui s’est passé en l’autre Monde, depuis l’enleuement du Roy fait par le Cardinal Mazarin à S. Germain en Laye, jusques à present. , françaisRéférence RIM : M0_833. Cote locale : C_1_46_1.

quelle haste auois tu, qu’est-ce qui te pend au col, est-ce le
denier qui m’est deu ? que ie voye, aga[2 lettres ill.] c’est vne lettre, à qui
s’adresse elle ? elle est escrite en chiffre. Par le stex il y a icy de
l’abus, ie n’ay pas fait peu d’apprehender ce pendart, es-tu
Messager ou Espion ?
 
Le Polonois.
Ie ne suis ny l’vn ny l’autre, mais vn François sçachant que
ie venois en ces lieux, ma chargé de cette lettre qui s’adresse
au Cardinal du Richelieu.
Charon.
I’empescheray bien qu’elle luy soit renduë, ie la submergeray
presentement, afin qu’elle ne nuise à personne, &
que ce Cardinal à qui elle est adressée ne soit persuadé de
troubler l’empire des defuncts, comme il fit autrefois la France.
Outre cette missiue n’as-tu point parole de creance à luy
porter.
Le Polonois.
Non, si ce n’est que i’ay entendu dire que s’il pouuoit reuenir
au monde, il trouueroit les cartes bien broüillées.
Charon.
Il est aisé d’entrer icy, mais d’en reuenir point de nouuelles,
c’est là que le diable est, les Sentinelles ne s’endorment
pas, & nos Portiers ne laissent pas leurs clefs. Mais qui es tu ?
d’où viens-tu ? qu’elle fut ta profession ?
Le Polonois.
Ie suis Polonois, ie viens de France, où i’estois Soldat.
Charon.
Ma foy tu auras icy plus chaud qu’en ton païs, que seruois-tu
dans ta profession militaire, & pourquoy es tu mort en
France.
Le Polonois.
Le Roy de Pologne nous auoit enuoyez pour seruir le Roy
de France contre celuy d’Espagne, & du depuis le Cardinal
Mazarin auoit mandé nostre Regiment pour assieger Paris.
Charon.
Quoy ? Mazarin est encore en France, l’on m’auoit dit qu’il
en estoit banny, ie le connois, c’est vn gaillard. Ie passé dernierement
son frere qui me donna deux beaux Louïs pour des