[retour à un affichage normal]

Mazarinade n° A_5_8

Image de la page

Anonyme [1649], LA SECONDE LETTRE DV CHEVALIER GEORGES A MONSIEVR LE PRINCE. , françaisRéférence RIM : M0_2099. Cote locale : A_5_8.

& celle du Parlement est toute composée de
bons François. L’esperance du butin & l’impunité
des crimes ont engagé & retiennent vos soldats.
Le seruice du Roy, l’amour du Pays, & la discipline
sont les chaisnes des nostres. Mais certes, il falloit
bien que ceux qui composent les deux armées
eussent du rapport auec les personnes pour qui ils
combatent, vostre armée combat pour vn voleur,
& pour vn estranger, & la nostre pour ceux qui
font le procez aux voleurs, & qui sont les Peres
de la patrie. Vous direz que ce n’est point Mazarin
pour qui vous auez pris les armes, que c’est
pour le seruice du Roy, & pour la manutention
de son Authorité, contre vn Parlement rebelle :
Mais comment le pouuez vous qualifier de ce
nom, puis qu’il ne demande que le retour de son
Prince, & que ces Astres de la France ne peuuent
souffrir qu’auec regret l’Eclypse de leur Soleil.
Bien loin de tomber dans les espouuantables sentimens
de l’Angleterre, ces Messieurs ne voudroient
tenir leur Roy à Paris, que pour luy rendre
les adorations qui luy sont deuës. Quand on
leur enuoya dire qu’ils s’en allassent à Montargis,
n’estoit ce pas la mesme chose, que si la hautesse
qui n’est pas plus infidelle que l’Eminence, eut
commandé à ses sujets de luy enuoyer leurs testes !
O que Mazarin estoit mal habile, s’il a creu qu’ils le
deussent faire ! O le meschant s’il a creu qu’ils ne