[retour à un affichage normal]

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.

pour auoit enleué le Roy à vne heure induë, &
pour auoir bloqué Paris, & ainsi comme Criminel
de leze Maiesté, & comme perturbateur
du repos public, La Cour toutes les Chambres
assemblées, Ordonna le 9. iour du mois de Feurier
de l’année 1651. qu’il sortiroit de France,
& s’il ne le faisoit pas, il estoit enioint aux communes
de courir sur luy : & fait deffences à tous
Gouuerneurs des places, Maires & Escheuins
des villes, & autres subiets du Roy, de le retirer
sur peine de la vie. Et nonobstant tout celà, il
ne laisse pas de battre la campagne, de soustenir
que toutes ses accusations sont fausses, de
demander à estre iustifié, de crier hautement
qu’il est naturalisé François, & de parler en faueur
des estrangers. Il dit que cette qualité
d’estranger n’a iamais esté rebutee ny par les
gens de bien, ni par les bõs Politiques. Qu’elle
ne sçauroit seruir que de pretexte aux factieux
& aux ennemis de l’Estat. Qu’il se trouue
vn nombre infini d’estrangers qui ont eu plus
d’authorité en France qu’il n’en a iamais euë :
& qu’il est extremement necessaire d’auoir vn
estranger pour bien gouuerner le Royaume,
affin qu’estant in differant à toute sorte de personnes,
il puisse administrer les affaires sans
passion. Que si cette qualité d’estranger estoit
si contraire aux loix du Royaume, & si preiudiciable