[retour à un affichage normal]

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.

cela, ne fut-il pas naturalisé François ? outre
cela le Roy Louys XIV. seant en son Lit de
Iustice, ne fit-il pas casser en sa faueur l’Arrest
donné le dix huictiesme iour de May contre
les estrangers ? & outre tout cela, quels miraculeux
progrez ne se sont-ils pas faits dans le
commencement de son ministere, pour nous
obliger à le tenir pour l’Ange Tutelaire de cét.
Estat, & pour l’vnique restaurateur de toute
cette Monarchie Françoise, quoy que bien
souuent il n’en fut qu’vne cause bien esloignée ?
Nos armes portent la terreur aux quatre
coins de l’Vniuers, & nos Generaux d’Armée
font des coups qui ne sçauroient passer
que pour des miracles. Tout tremble au seul
nom de ces Achilles François, & il n’est point
de Potentat qui ne nous demande la Paix,
ou qui ne recherche nostre alliance. Dix mille
François taillent en pieces trante mille
hommes de nos ennemis, & les places ou Cesar
& Alexandre auroient perdu le nom de
Conquerans, s’ouuroient deuant nous, tant
nous auions donné de l’espouuante à tous les
peuples de la terre Le guain de huict ou dix
sanglantes Batailles ; la prise de cinquante-cinq
où soixante places tres importantes, & la
deffaite de plus de trois ou quatre cens mille
combatans, en quelque deux ans de temps,