[retour à un affichage normal]

Mazarinade n° B_13_21b

Image de la page

Anonyme [1652], LA PANDORE, OV L’ASSEMBLAGE DE TOVS LES MALHEURS que la France a soufferts dans le Ministere du Cardinal Mazarin. I. Sur son manquement de foy. II. Sur le nom de Iule Mazarin, funeste à la Chrestienté. III. Sur ses mauuais Conseils, donnez à sa Majesté. IV. Sur la necessité qu’il y a de l’éloigner des Conseils du Roy & du Ministere. V. Et sur son Ambition, aspirant à la Souueraineté. , françaisRéférence RIM : M0_2658. Cote locale : B_13_21b.

d’vne cõuocation d’Estats ou d’vne Assemblée
de Notables, cela seroit trop long ; Le Cardinal
de Richelieu sçauoit bien, que si l’on coëffoit
seulement la teste d’aucuns d’vne mythre,
que si l’on enuoyoit à vn autre vn Breuet de Mareschal
de France, si on laissoit entrer celuy-là
au petit coucher, & si l’on permettoit à cettuy-cy
de grabeler à son aise sur les deniers qu’il
manie, ce ne seroit plus ce que c’estoit, tout
iroit le mieux du monde, le Roy ne seroit iamais
mieux conseillé ny iamais le Royaume plus florissant :
voila pour les abus qui se trouuent parmy
la Noblesse, ceux qui suiuent la Cour & les
hommes d’affaires.
 
En la justice, elle ne se void pas moins corrompuë
par les Iuges (sans offenser ceux qui manient
& tiennent la balance droicte) lesquels la
faueur, les dons & la crainte d’offenser quelques
puissans, emportent du costé de l’injustice, ou
bien les interests leurs lient la langue, ou pour
oppiner, ou pour prononcer au preiudice de la
veufue, du pauure & de l’orphelin, c’est ce qui
s’est fait durant le Ministere du Cardinal de Richelieu,
dans lequel les gens de bien des Cours
Souueraines pour la manutention des Loix & la
Religion de la Iustice, se sont veus proscripts,
bannis, & mal-traictez, pour la deffense de la verité,
pour ne vouloir preferer les Arrests du Conseil