[retour à un affichage normal]

Mazarinade n° A_6_9

Image de la page

Anonyme [1649], SVITTE DES MAXIMES MORALES ET CHRESTIENNES. , françaisRéférence RIM : M0_2427. Cote locale : A_6_9.

Les prophanes ont esté dans ce sentiment sans
estre éclairez d’autre lumiere que celle de la raison.
Vne femme se presenta vn iour à Cesar, luy demandant
audience, à quoy ayant répondu qu’il n’auoit
pas le loisir. Cessez donc (repartit-elle) d’estre Empereur.
En effet, ce seroit vne chose monstrueuse &
qui rendroit vn pere barbare, s’il n’auoit point d’oreilles
pour écouter les prieres de ses enfans. Que deuiendroit
tout vn peuple dans les oppressions, si son Prince luy refusoit
sa protection ? A qui aura-t’il recours contre la violence
des Puissants, l’iniustice des Magistrats, la rapine
des Partisans & de toutes sortes de sang-suës, si celuy
qui a la supreme authorité ferme l’oreille à ses plaintes ?
Faudra t’il instruire vn procez & obseruer toutes les formalitez
de Iustice, toutesfois & quantes qu’vn peuple
sera mis au pressoir ? & en cest estat mesme qui en sera le
Iuge si le Souuerain ne l’est pas ? Qui iamais a oüy parler
de la cruelle Theologie de certains Predicateurs, lesquels
(par quel esprit Dieu le sçait) ont eu, à ce qu’on dit,
la hardiesse de prophaner la sainteté de la Chaire, & attẽter
à la pieté naturelle de la Reyne, en luy voulãt persuader,
qu’elle n’estoit pas obligée d’entẽdre par elle mesme
les clameurs des peuples, & que ses oreilles ne doiuent
point estre ouuertes à toutes sortes de plaintes, quoy que
publiques ? A quoy donc seront-elles ouuertes ? A qui ?
A la flaterie & aux tyrans, afin que n’ayant iamais de connoissance
des oppressions des miserables, son cœur ne
soit point touché de compassion, & qu’à la moindre remonstrance,
on les luy represente comme rebelles. Ah
non ! Iesus-Christ nous apprend vne autre conduite ; Et