[retour à un affichage normal]

Mazarinade n° C_12_41

Image de la page

C. Q. A. P. L. C. M. D. L. V. D. P. A. M. D. N. 1650 [signé] = Dubosc-Montandré, Claude [?] [1652], LA PIERRE DE TOVCHE AVX MAZARINS. , français, latinRéférence RIM : M0_2765. Cote locale : C_12_41.

="17"/> sont des criminels, ce sont des ennemis de l’estat,
tuë, tuë, tuë, rasons leurs maisons, exterminons
cette race, & prenons leur bien pour leur faire
la guerre à leurs propres despens, comme ils nous la
font aux nostres, puis que quand nous executerions
tous les iours ces parrolles sur ceux qui
viendroient à nostre rencontre, nous ne ferions,
que ce, à quoy les Arrests des Parlements, & les
Declarations du Roy nous inuitent ; veu que quoy
que sa Majesté ait cassé l’Arrest de prescription, n’a
pourtant point reuoqué ses Declarations données
contre le Cardinal, & ceux qui luy donneront secours
en quelque maniere que ce soit, ceux qui s’opposeront
à l’execution des assemblées & des entreprises qui
se feront sur ce suiet, se declareront ouuertement
Mazarins, contreuiendront aux Arrests de Parlement
& aux Declarations du Roy ; d’autant
qu’il ny a que les complices de ce retour, qui apprehendent
qu’on n’en recherche si bien toutes
les circonstances, qu’ils s’en trouuent eux mesme
les seuls autheurs, ou pour le moins participans
au moyen qu’il cherche de subsister, par la
longueur que ses amis portent à tout ce qui se doit
faire contre ce banny ; qui ne trouuent toutes les
assemblées tant d’expediants, que pour gagner
autant de temps, sous pretexte de conseruer l’authorité
Royalle ; que le Cardinal seul & ceux qui
agissent pour luy ont reduitte au point ou elle est