Mazarinade n° D_1_26
Image de la page
P. I. R. C. [signé] [1650], PROPOSITIONS ET LES MOTIFS PRESENTEZ A NOSTRE SAINT PERE LE PAPE Innocent X. du nom, en cette année Sainte de Iubilé 1650. par le Reuerend Pere IEAN ROÉ, Carmelite Hybernois. En faueur de Charles second Roy de la Grand’Bretagne, d’Ecosse & d’Hybernie. Pour son establissement, & conseruation de la Religion Catholique, Apostolique & Romaine en ses Estats. , françaisRéférence RIM : Mx. Cote locale : D_1_26.
Pour empescher donc les effets funestes de si horribles & infernales
entreprises, le present Orateur monstre & offre humblement à
Vostre Sainteté, les suiuantes propositions.
I.
Premierement, Qu’il plaise à vostre Saincteté fournir tous les
ans audit Charles second, & de vostre propre Tresor, vne somme
considerable d’argent, & capable d’entretenir la guerre contre
les susdits ennemis de l’Eglise & de la Monarchie.
II.
En second lieu, Que vostre Saincteté oblige tout le Clergé de
l’Vniuers à l’entretien de ladite guerre, chacun Beneficier de quelque
estat, qualité & condition qu’il soit, baillant de son reuenu ; Les
obligeant en outre, à porter, ou faire porter ce qui se baillera, entre
les mains de personnes commises à la recepte desdits deniers de trois
en trois mois, ou comme vostre Saincteté le iugera à propos.
III.
En troisiéme lieu, Qu’il plaise à vostre Saincteté escrire aux Nonces
& Legats qu’elle a aupres des Princes, des Republiques & des autres
Estats Catholiques, de les solliciter au Nom de IESVS CHRIST,
à la Paix generale, & qu’ils joignent leurs forces à donner secours à
sa Majesté Britannique, & ne recognoissent ces Traistres Regicides,
ny pour Republique, ny pour quelque autre Estat que ce soit, ny d’auoir
ny de faire aucune alliance auec eux.
IV.
En quatriéme lieu, Que vostre Saincteté face aduertir par ses Legats,
ou autrement, tous les Princes & Monarques de l’Europe, comme
ces Traistres & ennemis de la Monarchie, ont sousleué presque
dans tous les Royaumes, des Factions tres dangereuses, des troubles
& des reuoltes qu’ils entretiennent & fomentent à present à
leurs propres despens dans toute l’Europe, mesmes iusques dans
l’Empire des Turcs.
V.
En cinquiéme lieu, Que vostre Saincteté face defenses sur peine
d’excommunication, ipso facto, à tous Catholiques de quelque âge
& condition qu’ils puissent estre, de porter les armes pour lesdits Regicides,
Image de la page