[retour à un affichage normal]

Mazarinade n° D_1_3

Image de la page

Morgues, Mathieu de [1643], LES DEVX FACES DE LA VIE ET DE LA MORT DE MARIE DE MEDICIS ROYNE DE FRANCE VEFVE DE HENRY IV. MERE DE LOVYS XIII. ROYS TRES-CHRESTIENS. DISCOVRS FVNEBRE. Par Messire MATTHIEV DE MOVRGVES Sr. de Sainct Germain, Docteur en Theologie, premier Aumosnier & Predicateur de ladite DAME ROYNE; Predicateur du ROY CATHOLIQVE, & Preuost de Harlebeke en Flandres. DEDIÉ A LA ROYNE CATHOLIQVE. , français, latinRéférence RIM : Mx. Cote locale : D_1_3.

vn petit abregé de sa vie, & commençons en descouurant
la face de la belle Noëmi, c’est à dire, de ses prosperitez.
 
Nostre Marie estoit sortie des Grands Ducs de
Toscane, nommez de Medicis, recommandables
deuant qu’ils fussent Souuerains par leur rare prudence,
par leur magnificence, & par leur liberalité
Royale enuers les hommes de merite, & gens de
lettres. Son Pere a esté le Duc François Prince bon ;
& sa Mere celle qui apporta dans la maison de
Florence la plus haute alliance de l’Europe ; c’estoit
Ieanne d’Austriche, fille de l’Empereur Ferdinand
Premier, & Niepce de l’inuincible Charles V. Ce
que ie peux dire de cette Princesse est, qu’elle fust
vertueuse, iusques à laisser dans les cœurs de ceux
qui la cognoissoient vne grande opinion de sainteté :
elle mourut lors que nostre Marie n’auoit que trois
ans. Son Pere la fit esleuer auec beaucoup de soin,
& permit, qu’elle suiuit ses inclinations curieuses, qui
la porterent à vouloir apprendre les principes de la
Mathematique, & à sçauoir quelque chose des arts
qui sont honnestes & nobles ; comme sont la peinture
la sculpture & la graueure. Ces diuertissemens de son
enfance estoiẽt dans ces beaux exercices du pinceau,
du ciseau, de la lime & du burin ; ayant aussi apris à
cognoistre les pierreries, & à discerner les vrayes
d’auec les fausses, parce qu’il n’y a point de piperie