[retour à un affichage normal]

Mazarinade n° A_6_54

Image de la page

Mercier, V. [signé] [1649], PANEGYRIQVE ROYAL DE LOVYS QVATORZE. Vnius anni erat Saül cum regnare cœpisset, Regum cap. I. , françaisRéférence RIM : M0_2668. Cote locale : A_6_54.

des ennemis de vostre Estat ; contre l’inconstance des
temps, & la reuolution des choses mortelles. Ie puis
dire, GRAND ROY, que vos mains n’ont pas plustost
touché les mammelles de vostre Nourrice, qu’elles ont
cueilly des Palmes & des Lauriers. Que vous estes né
comme vn miracle dans le monde, qui a causé de l’admiration
aux Princes Estrangers, & de la jalousie à vos
Predecesseurs ; que les Philosophes, qui ont consideré
les momens comme les particularitez de vostre naissance,
ont protesté que vous deuiez estre l’appuy du Ciel,
aussi bien que le Chef-d’œuure ? Que vostre courage
vous deuoit rendre le vainqueur des Nations, le Triomphateur
de la terre, & le Souuerain de l’Vniuers. Que
vous estiez destiné pour estre la terreur de vos voisins,
& les delices de vostre Peuple. Que le Soleil ne deuoit
auoir pour vous que des lumieres ; la terre des roses, le
Ciel des benedictions. Que tous vos combats deuoient
estre des victoires ; Vos victoires des triomphes ; Vos
triomphes des conquestes ; Et vos conquestes des Empires.
Si donc, GRAND PRINCE, dés le commencement
de vostre naissance, & dans vn âge plus capable
de diuertissement, que d’entreprises serieuses, vous
opercz de si rares merueilles, que pouuons nous esperer
de vostre valeur, lors qu’elle sera animée d’vne parfaitte
sagesse, & d’vne eminente integrité. Mais i’ose dire
aussi que vostre pieté a esté le fondement de tous ces
prodiges, & que le Ciel ne peut abandonner vn Prince
qui prend son party, & qui deffend sa querelle, &
que l’Empire d’vn ieune Monarque n’est pas moins à
desirer pour le bon-heur & la felicité des peuples, que celuy