[retour à un affichage normal]

Mazarinade n° D_1_13

Image de la page

Louis (XIV), De Guénégaud [signé] [1649 [?]], LETTRES ET DECLARATION DV ROY, SVR LE SVIET DE SA SORTIE DE PARIS. Auec l’Arrest de son Conseil d’Estat, portant cassation de celuy du Parlement de Paris, concernant le logement des Troupes de sa Majesté. , françaisRéférence RIM : M0_2289. Cote locale : D_1_13.

Paris, de transferer sa seance en nostre Ville de
Montargis, auec deffenses de faire aucune fonction
de luges dans ladite Ville de Paris, & à nos Suiets
de les reconnoistre, ainsi que vous l’apprendrez
plus particulierement par les Lettres Patentes que
nous en auons fait expedier, dont nous vous auons
bien voulu enuoyer coppie, ne doutant pas que
vous ne nous rendiez auec tous les Bourgeois &
Habitans de nostredite Ville, l’obeyssance que vous
nous deuez : Ce qui nous donnera suiet d’y retourner
plus promptement, ne iugeant pas à propos de
le faire, que nostredite Cour n’en soit sortie : Et vous
assurant que nous desirons vous donner de plus en
plus des témoignages de l’affection & de l’amour
que nous auons pour nostredite Ville, N’y faites
donc faute : CARTEL est nostre plaisir. DONNÉ
à S. Germain en Laye le sixiéme iour de Ianuier 1649
Signé, LOVIS. Et plus bas, DE GVENEGAVD.
Et dessus est escrit,
 
A nos tres-chers & bien amez les Preuost des Marchands, Escheuins
& Habitans de nostre bonne Ville de Paris.
LOVIS par la grace de Dieu Roy de
France & de Nauarre : A tous ceux qui
ces presentes Lettres verront, Salut. Les
asseurances que nous auoit données nôtre
Cour de Parlement de Paris, par la bouche des
Gens de nostre Parquet, qu’elle finiroit toutes les