[retour à un affichage normal]

Mazarinade n° A_1_76

Image de la page

Louis (XIV), De Guénégaud [signé] [1649], LETTRE DV ROY, ENVOYEE A MESSIEVRS de la Cour des Aydes de Paris, du trentiesme Mars 1649. Apportée le trente-vn dudit mois de Mars, Par le sieur de Saintot, Maistre des Ceremonies. , françaisRéférence RIM : M0_2169. Cote locale : A_1_76.

DE PAR LE ROY.
NOS amez & feaux les Deputez de vostre Compagnie
qui ont assisté aux Conferences de Ruel,
pour faire cesser les presens mouuemens, & qui
ont signé les Articles qui ont esté arrestez pour ce
sujet le II. du present mois ; vous auront donné vne entiere
cognoissance de ce qui s’y est passé, & vous aurez bien reconnu
auec quelle sincerité & ponctualité nous auons à l’instant
mesme de la signature desdits Articles, satisfait à toutes les
choses qui ont esté promises à nostre Nom, n’ayant rien plus à
cœur que de conseruer tous nos Sujets dans vne tranquillité
parfaite sous nostre obeïssance, & de promouuoir le restablissement
de la Paix generale : Et bien que par lesdits Articles il
ait esté pourueu à tout ce qui concerne le general & les particuliers
qui pouuoient prendre interest en cette occasion ;
Neantmoins nostre Cour de Parlement nous ayant renuoyé
les mesmes Deputez qui estoient à Ruel, pour en acceptant
ledit Traité, nous faire quelques remonstrances sur ce qui regardoit
nostredite Cour, & les interests des Princes, Ducs, &
Pairs, Officiers de la Couronne, & autres qui ont pris les armes
auec eux. Nous auons bien voulu accorder à nostredite
Cour les choses qu’elle nous a demandé : Et à l’esgard desdits
Princes, & de ceux qui les ont suiuy, nous leur auons aussi accordé
tout ce qui est faisable, sans apporter vn prejudice trop
notable à nostre Estat. Surquoy nous auons fait expedier nos
Lettres de Declaration de ce jourd’huy, lesquelles nous enuoyons
presentement à nostredite Cour de Parlement, &
dont nous vous adresserons le double au premier jour, pour