[retour à un affichage normal]

Mazarinade n° A_1_72

Image de la page

Louis (XIV), De Guénégaud [signé] [1649], LETTRE DV ROY, Enuoyée à Messieurs les Preuost des Marchans & Escheuins de la Ville de Paris. Ensuitte des Articles arrestez à Rüel l’onziéme Mars mil six cens quarante-neuf. POVR LA PAIX. Ensemble l’Ordonnance du Roy pour la garde des Portes de ladite Ville & Faux-bourgs de Paris. , françaisRéférence RIM : M0_2176. Cote locale : A_1_72.

autres qui ont pris les armes depuis les presens mouuemens
ont esté conseruez. Il n’y a aussi personne qui
n’ait connu comme nous auons procedé auec vne
entiere sincerité à l’execution de toutes les choses qui
ont esté promises de nostre part : Qu’aussi tost apres
la signature desdits Articles, les passages des viures
à Paris ont esté ouuerts de tous costez, & mesme que
sur ce qui nous a esté representé de vostre part qu’il
y auoit quelque difficulté aux passages des bleds par
les riuieres de Seine & de Marne, Nous auons fait
publier nostre Ordonnance pour la liberté desdits
passages, & le restablissement de tout Commerce en
ladite Ville, où ensuitte l’on à ressenti l’abondance
& la diminution notable du prix de toutes denrées,
dont nous auons receu beaucoup de contantement :
& il n’y a rien qui ait dependu de nous, que
nous n’ayons fait pour le bien commun des Habitans
de nostredite Ville, sans auoir voulu attendre
l’effet des choses qui nous auoient esté promises,
Nous estans contantez de sçauoir que nostre
Cour de Parlement acceptoit le traité de Rüel,
en renuoyant vers Nous les mesmes Deputez qui
estoient allez de sa part audit Rüel, auec charge de
nous faire des remonstrances pour obtenir de nous
quelques modifications sur aucuns des Articles dudit
traicté qui concernoient nostredite Cour : comme
aussi pour nous representer ce qui touchoit lesdits
Princes & les particuliers qui estoient compris