[retour à un affichage normal]

Mazarinade n° B_1_1

Image de la page

La Mère de Dieu, Pierre de (dit Bertius, Abraham) [1647], LES VERTVS ROYALES D’VN IEVNE PRINCE. , français, latinRéférence RIM : Mx. Cote locale : B_1_1.

viuantes, du Roy des Roys, il faut qu’ils iettent
les yeux sur le premier Monarque du Monde,
pour voir comment il gouuerne ce grand Tout,
& quelles sont les perfections, qui eclattent
dauantage en sa Diuine Maiesté.
 
Quel sentimẽt
doiuent auoir
les Princes
Chrestiens
de la Royale
vertu.
Si le brillant des infinies vertus du tres-haut,
ébloüit leurs regards, qu’ils se representent vn
nombre de braues Heros, qui ont manié tres-dignement
le Sceptre de la France, & se sont immortalizés
par leurs proüesses ; Qu’ils regardẽt les
Clouis, les Dagoberts, les Charlemagnes, les
Philippes Augustes, les François, les Henrys, &
particulierement celuy qui nous touche de plus
prés, & dont la perte nous est encore si sensible,
que ny la prosperité de nos armes, ny les Victoires
remportées sur nos ennemis, ne sont pas capables
d’essuyer nos larmes, ny de soulager le
deüil de toute la France ; ie parle de LOVYS LE
IVSTE, que le Ciel auoit orne des vertus sortables à
vn genereux Monarque, & auoit eleué au
Thrône Royal, pour seruir d’exemple à ses Successeurs,
qui gouuerneront la Monarchie : ils
n’ont qu’à ietter les yeux sur LOVYS XIII.
d’heureuse memoire, pour trouuer l’abregé des
Royales vertus ; vne pieté exempte d’hypocrisie,
vne iustice inuiolable, vne clemence vniuerselle,
vne amour paternel, vne generosité incomparable,
vne liberalité magnifique, vne chastete plus
qu’humaine, vne humilité tres-profonde, bref,