[retour à un affichage normal]

Mazarinade n° B_1_1

Image de la page

La Mère de Dieu, Pierre de (dit Bertius, Abraham) [1647], LES VERTVS ROYALES D’VN IEVNE PRINCE. , français, latinRéférence RIM : Mx. Cote locale : B_1_1.

des Souuerains sont Circulaires, pour representer
la longue durée de leur Empire. Il faut former
vn Cercle, ou vne Couronne de ce liure, & l’offrir
à LOVYS DIEV-DONNÉ Nostre grand
Monarque : en ioignant la conclusion de cet
Ouurage à son principe, & comme il a esté conçeu
dans l’esprit de son Autheur, par vne pensée
de complaissance, tirée des rauissantes perfections
de sa Maiesté ; il se doit maintenant presenter,
aux pieds de son Thrône, pour se consacrer
à son tres-humble seruice.
 
Mais ie me sens auparauant obligé à demander
pardon, d’auoir si mal reüssi dans vn si noble
suiet, & de n’auoir point traitté à la Royale, des
vertus Imperiales. Ie réconnois que la bassesse de
mon stile, ne correspond pas à l’excellence de la
matiere, que mon discours n’est pas assés florissant,
pour la dignité du suiet dont ie traitte : mais
ie n’ignore pas aussi, que l’humilité de ma profession,
ne souffre point l’artifice ny la politesse
d’vn Courtisan, éleué & nourri dans les Palais
des Princes Souuerains.
Concluons donc auec vne belle remarque, tirée
de Dion Cassius, qui asseure que les lettres addressées
aux Empereurs Romains, commençoient
tousiours par quelques vœux pour leurs
Maiestés, & qu’elles finissoient par vne priere
solemnelle, faite pour la Prosperité de leurs Sacrées
personnes, voila ma Couronne, voila ma