[retour à un affichage normal]

Mazarinade n° B_1_1

Image de la page

La Mère de Dieu, Pierre de (dit Bertius, Abraham) [1647], LES VERTVS ROYALES D’VN IEVNE PRINCE. , français, latinRéférence RIM : Mx. Cote locale : B_1_1.

les feus, & les flammes, ou precipités dans le courant
des eaux ? Combien de fois est-on monté au
Palais des Empereurs, pour exercer sur leurs personnes,
tout ce que la rage populaire pouuoit inuenter
de furieux, & de terrible ?
 
Vn Prince
superbe insupportable
à son
peuple, qui
ne luy
obeït que
par force,
& par violence.
Souuenons-nous de Cesar, qui ayma mieux
estre le premier dans vn village, que le second
dans Rome, ayant violé tous les droits diuins, &
humains, pour contenter son ambition, & recherché
par tant de sanglantes victoires, la Monarchie
de l’Vniuers, il fut assassiné dãs le Senat,
par ceux qui se faschoient d’estre esclaues de l’orgueil
d’vn ieune Prince, & ne combattoient que
pour la conseruation de leur ancienne liberté.
Remettons nous deuant les yeux, la superbe d’vn
Alexandre, qui s’estoit promis de conquerir tout
l’Vniuers, & apres vne infinité de combats, fust
estoufé dans la fleur de son aage, par le poison
que ses Domestiques luy auoient prepare. Considerons
le Roy de Babylone, qui apres la desolation
de la ville de Ierusalem, apres la profanation
de son Temple, la boucherie d’vne infinité d’innocens,
& l’adoration de sa propre Statuë, fut relegué
dans les forests, & contraint (par vn arrest
du Ciel) de brouter l’herbe de la campagne. Iettons
les yeux sur le superbe Antiochus, qui peu de
temps auant la maladie dont-il mourut, s’estimoit
capable de toucher les Estoilles du Ciel, & de
commander aux Elemens, & fut mangé des vers,