[retour à un affichage normal]

Mazarinade n° B_1_1

Image de la page

La Mère de Dieu, Pierre de (dit Bertius, Abraham) [1647], LES VERTVS ROYALES D’VN IEVNE PRINCE. , français, latinRéférence RIM : Mx. Cote locale : B_1_1.

elle voyoit, que la seule fidelité de cet illustre Prelat,
surpassoit toute recompense, & que rien du
monde n’estoit capable de le separer de sa personne.
D’où vient qu’il ne faut point trouuer
mauuais, si en sa consideration, l’ancienne Famille
des Richelieux, est releuée en nostre Siecle,
& si elle marche auec les plus illustres Seigneurs
du Royaume ; auec les Barons, les Marquis,
les Comtes, les Mareschaux, les Ducs &
Pairs, les Cardinaux, & les Princes ; & si les plus
belles charges de la Couronne, sont en la maison
du grand Cardinal, ce sont des effects de la Magnificence
de nostre defunct Monarque, qui a
voulu immortalizer sa memoire, en immortalizant
ses victoires.
 
La Royale
Iustice a
porté
Louys XIII
à recõpenser
les bons
[1 mot ill.] du
Cardinal
de Richelieu,
son
premier
Ministre
de l’Estat.
LOVYS LE IVSTE a montré encore vn effect
de sa Royale Iustice, en ce qu’il n’a iamais
voulu quitter ce braue genie, ny changer vn si
excellent Ministre, quoy qu’il en fust sollicité,
par des personnes, à qui la nature l’obligeoit à
porter du respect, & à suiure les Conseils : il prefera
le repos public, & l’auancement de ses Estats,
à toutes les inclinations de la chair, & du sang ;
aimant mieux se priuer des douceurs de la vie, que
de retarder l’execution de ses loüables desseins :
en quoy ce genereux Monarque a fait paroistre la
force de son courage, & nous a donné des marques
euidentes de sa Royale Iustice : puis qu’vn
parfait Prince doit estre peu attache à ses propres