[retour à un affichage normal]

Mazarinade n° A_4_8

Image de la page

La Mothe-Houdancourt, Henri de [?] [1649], CINQVIESME FACTVM, POVR MESSIRE PHILIPPES DE LA MOTHE-HOVDANCOVRT DVC DE CARDONE ET MARESCHAL DE FRANCE. CONTENANT LES INIVSTES ET extraordinaires procedures faites contre luy, par les artifices du Cardinal Mazarin. , françaisRéférence RIM : M0_2849. Cote locale : A_4_8.

son regne d’auec celuy des Nerons & Domitianus qu’il
auoient immediatement precedé, en ce que de leur
temps le Prince gagnoit tousiours sa cause, & que pendant
celuy de ce bon Empereur il estoit presque tousiours
condamné.
 
Ces paroles le dementir n’en demeurera pas à la Reyne, prononcez
par vn Secretaire d’Estat & vn Procureur general,
intimideren tellement quelques parents de M. le
Mareschal de la Mothe : que M. d’Houdancour son frere
demanda pour luy vne Abolition : M. le Tellier luy
respondit qu’il escriuist à M. le Mareschal sçauoir s’il
l’agreroit, & puis qu’il le laissast faire que tout iroit bien,
Mondit sieur le Tellier & M. le Cardinal ne demandoient
plus que cela, dautant que par vne abolition M.
le Mareschal se fust rendu coupable, & toutes leurs iniques
procedures estoient approuuées. Aussi enuoya-il
là dessus à M. son frere vne réponse digne d’estre escrite
en lettres d’or, qu’estant innocent il s’estoit rendu volõtairement
prisonnier, qu’il n’estoit pas resolu de se rendre
coupable pour sortir, & qu’il n’achepteroit iamais
sa liberté par vne lascheté. Madame la Mareschale de
Villeroy & M. l’Abbé d’Aisne luy conseillerẽt souuent;
Et Messieurs de la Coste, de la Martiliere, & de la Colombiniere
ses Commissaires luy en ont cent foy parlé,
allegué des exemples de personnes qualifiées qui n’en
auoient point esté deshonorées. Il s’est tousiours monstré
inesbranlable à tels conseils & aduis : Il auoit veritablement
raison, de ne laisser point de tache à vne si belle
vie que la sienne. Ce reffus de prendre abloition fut
cause qu’on le transporta de Pierre-Encise à Grenoble,
conduit par les Preuosts & Archers de Dauphiné, Lyonnois,
Forests, Beaujolois auec telle rigueur, qu’en
plain midy on apportoit de la chandelle en fermant les
fenestres de sa chambre.
On ne parle point icy de la procedure sans exemple
contre vn Viceroy, ny de la nullité de la Commission