[retour à un affichage normal]

Mazarinade n° A_4_5

Image de la page

La Mothe-Houdancourt (Henri de) [?] [1649], SECOND FACTVM, OV DEFENSES DE MESSIRE PHILIPPES DE LA MOTHE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Catalogne. Auec plusieurs Requestes, Arrests, & autres Actes sur ce interuenus, tant au Conseil, qu’ailleurs. , français, italienRéférence RIM : M0_2849. Cote locale : A_4_5.

& qui pourroit resister à la colere de celuy qui fait trembler
l’Espagne, & l’Empire, & sous qui tout plie. Quis potest resistere
iræ eius qui curuat orbem. Les amis de Fauorinus vn des
plus grands Philosophes de son temps, s’estonnans de ce que
dans les disputes de doctrine qu’auoit voulu faire auec luy
Adrian l’Empereur (qui se picquoit de science) il ne se defendoit
ny argumentoit à son ordinaire, & qu’il n’alleguoit pas
les raisons qu’il pouuoit pour deduire les objections de cét
Empereur ; il leur respondit sagement, qu’il ne pouuoit moins
faire, que de ceder à vn Prince qui auoit sur pied 30. Legions.
 
Quand la vie d’vn homme seroit lauée dans les eaux de la
neige, pour parler auec l’Escriture, & que ses mains esclateroient
de pureté, & seroient nettes de toutes sortes d’administrations
d’argent & de taches. La seule auersion des Roys, &
la recherche qu’ils feroient faire contre sa vie la soüilleroient
d’ordures, & luy donneroient vn autre visage que son naturel,
par la complaisance ou malice de ceux qu’ils y employent :
dautant aussi qu’on ne se defend pas librement auec eux, &
que personne n’ose rendre tesmoignage contre leurs volontez ;
n’y ayant pas iusqu’à present d’exemple d’innocence, qui
ait esté à l’espreuue de la poursuite des Souuerains.
C’est pourquoy Mr le Mareschal de la Mothe ignore sa vie,
pour ne pas desplaire à Sa Majesté ; sa langue est en prison aussi
bien que sa personne. Il ne veut auoir l’vsage de la parole,
que pour remercier Sa Majesté de sa clemence, & non pas pour
s’en defendre contre sa iustice. Il la supplie seulement de se
souuenir de ses seruices. Ce sont là les clefs de la prison qu’il
luy presente, pour luy ouurir les portes d’vn lieu, ou s’il a quelque
regret ; c’est d’estre inutile à Sa Majesté, & d’interrompre
le cours de tant d’années qu’il a incessamment employé au
seruice de sa Couronne.
L’Escriture nous apprend, que la colere de Saül contre Dauid
s’adoucit par les reflexions qu’il fit sur les paroles de son
fils Ionathas, qui luy representoit les seruices de Dauid : lequel
par ce moyen fut regardé d’aussi bon œil de Saül, & en la
mesme posture qu’il estoit auparauant. Fuit ante eum ficut erat
heri & nudius tertius. Samuel 19. Et Salomon ce sage Prince