[retour à un affichage normal]

Mazarinade n° A_4_7

Image de la page

La Mothe-Houdancourt (Henri de) [?] [1649], QVATRIEME FACTVM, OV DEFENSES DE MESSIRE PHILIPPES DE LA MOTHE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Catalogne. Auec plusieurs Requestes, Arrests, & autres Actes sur ce interuenus, tant au Conseil, qu’ailleurs. , français, latin, espagnolRéférence RIM : M0_2849. Cote locale : A_4_7.

Quittance du sieur Talon pour les sept mille pistoles.
Ie reconnois que Monseigneur le Mareschal m’a rendu la somme
de soixante & dix mil liures en pistoles : comme il est mentionné de l’autre
part en sa promesse du premier Mars 1643. Fait ce quinziéme du
mesme mois audit an 1643.
TALON.
Pour seruir de descharge à Monsieur Boisot, quand il
comptera auec Monseigneur le Mareschal.
Mais ce qui est plaisant, outre cela, en toutes ces accusations ;
c’est que si elles estoient veritables, elles nous feroient
voir des choses qu’on n’a iamais veuës dans la nature : Sçauoir
qu’vn pere fust moins aagé que son fils ; vn effet qui precederoit
sa cause ; vne chose existente par vne autre qui ne l’estoit
pas encor, & ne l’auoit iamais esté ; vn bastiment fait en 1648.
par vn architecte lequel doit seulement estre au monde en 1650.
bref vn posthume qui seroit né dix mois apres la mort de son
pere & de sa mere, ainsi qu’on peut induire facilement par les
seules dattes de l’emprunt fait à Talon, & de celles de l’estat de
1642. dans lequel on dit que le prest diuerty a esté couché en
faux employ pour remplacer en partie aux Tresoriers les sept
mil pistoles qu’ils auoient prestées à monsieur le Mareschal de
la Mothe, En ce que,
L’Estat de 1642. a esté clos & arresté le premier de Ianuier
1643. par Dorée, receu de Talon & Moreau, & signé d’eux, &
l’emprunt n’a esté fait que deux mois entiers apres, sçauoir au
premier de Mars de la mesme année : Comment donc cét emprunta-il
pû donner lieu à vn diuertissement de Prest d’armée
qui estoit fait, à ce compte, deux mois auparauant, si ce n’est
qu’vn pere puisse estre moins aagé que son fils, & vne cause
posterieure à son effect ? Et comment, cét argent estant rendu
quinze iours apres auoir esté liuré par Talon, comme il paroist
par sa quittance, & partant cette debte morte & esteinte entierement
par son payement, peut-il auoir esté cause que les
Tresoriers pour se remplacer de ladite somme ayent mis par